w ir Karl von Gots gnaden Romischer kunig zu allen zvten merer des richs vnd kunig zu Beheim, verjehen vnd tun

576 1349 april 30.

kunt offentlich mit diese briefe allen den die yen sehen, horen oder lesen. Wanne der erwirdige Gerhard gekorner vnd bestetigter bischof zu Spire, vnser lieber andechtiger furste, durch grossen, vumessigen wuchers willen, den er den juden zu Spier vnd auch andern juden in dem riche vnd anderswo, vnsern kammerknechten gegeben hat, in grossen schaden kommen ist, davon er vnd sin stiffte mit fuge nicht wole komen mag, iss sy dan, daz wir yen vnd den stiefft von kuniglicher gute gnediglichen betrachten. Davon haben wir angesehen getruwen, willigen vnd stetten dienst des vorgenannten bischofs, den er vns vnd dem riche oft vnverdrozzenlich getan hat vnd noch tun sol vnd mag in kunfftigen zyten vnd sagen yen vnd alle sine nachkom- men vnd denselben stiefft in Spier vnd des vorgenannten bischofs freunde vnd burgen, die vor yen glopt haben, wer die sint mit vnsern kuniglichen gewalt vnd von sunderlichen gnaden ledig vnd loss aller schulde hauptgutes vnd wuchers, die er den juden zu Spier, die entleibet sein oder noch le- bent seint, schuldig gewesen ist, oder noch schuldig ist, verburget oder vnverburget vnd wie er die schuldig gewe- sen ist, oder noch schuldig sin mochte ane geverde. Vnd des zu sicherheit vertilgen vnd vernichten wir alle brieve deutsche oder latin, die daruber geben vnd gemacht sin, mit welichen sunderlichen glubden vnd worten sie begriffen sint vnd wollen mit vnserm kuniglichen gewalt vnd mit rechten wissen, wo dieselben brieve yetzunt sein oder noch funden werden, by cristen oder by juden, daz sie vntug- liche, vnhilflich vnd vnkreftig sin so^len vnd dem vorgenann- ten bischofe sinen freunden vnd sinen burgen vnschedelich sin sollen, glicher wise, als ob sie vngemachet vnd vnge- schrieben weren vnd wollen, daz alle sme pfandt ledig vnd loss sein ane alles hyndernisse. Darumb gebieten wir allen graven, lantvogten, vogten, richtern, schultheissen, burger- meistern, reten vnd den gemeynen, gemeinlichen der lande vnd der stette vnsern vnd des riches getruwen ernstlich vnd vesticlich by vnsern hulden, daz sie den vorgenannten bischof, sin freunde vnd burgen vnd das stifft widder die vorgenannte vnsere gnade nicht hyndern oder beschedigen oder gestatten, daz sie gehindert oder geschediget werden inne deheynen weiz. Mit vrkunde diss biieffs, der versiegelt ist mit vnserm kuniglichen ingesiegel vnd geben zu Spier nach Cristes ge- burte drutzehn hundert vnd in dem nevn vnd fierzigsten jar

1349 april 30. 577

an sant Waltpurgen abent ime dritten jar vnserer riche. Per dominum cancellarium, Johannes Noviferensis.