Urkundenbuch zur Geschichte der Herzöge von Braunschweig und Lüneburg und ihrer Lande bis zum Jahre 1341, Nr. 1046, S. 750
Urkundenbuch zur Geschichte der Herzöge von Braunschweig und Lüneburg und ihrer Lande bis zum Jahre 1341, Nr. 1046, S. 750
197
ersten Präsentation den Herzögen Otto und Wilhelm von Braunschweig und Lüneburg überträgt. — 1350, den 14. August. K. 0.
Ik her Euerd prefter van Wunftorpe eder van deme heydorne gheheten bekenne openbare in difleme breue. Dat ik lekghe vn gbeue vor mine funde. vnde goddes deneft to Okende. Dre H5ue Landes vppe deme velde to Lutteken Riclinghe. vnde alle dat. dat dar tohord. binnen deme dorpe vnde butene. De 5 ghifen van Lubeke eneme borghere to honouere tohord hadden. vnde de nu min fin. To funte Nycolaus altare in funte Juriens kerken to honouere to deme Sudenen werd to ener ewighen vicarie vn to eneme gheyftliken lene. vnde dat altare bewedeme ik mede in de ere der hilghen Juncuruwen Sunte Dorothean. vnde fcal en ewich len wefen. binnen ver iaren de nu negheft tokomet van funte bartholomeus daghe an to Rekenende. vnde to deme erften male wille ek dat len lenen. werae ik wille. vn wanne de dohd is. 10 eder icht dat fchude. dat ik dat len to Deme erften male nicht vorlenede. So fcollet de edelen vorften her Otto vnde her willehelm hertoghen to brunfw vn to Luneborch mine herren vnde Ore eruen vn ore nako- melinghe dat len ewichliken vorlenen vn de lenware des lenes gheue ik ym ghantzliken vn fcal ore wefen vn weme dat len ghelenet werd de fcal prefter wefen vn is he nen prefter. So fcal he alfo old wefen dat he binnen deme erften iare dat he belenet is prefter werden moghe. vnde fcal io binnen deme erften iare 15 prefter werden vn he fcal fuluen eder en van finer weghene. de deme kercheren der vorbenomeden kerken to funte Jurien bequeme vn beheghelik fi. alle daghe miflen finghen eder lefen wanne vnde wo de kerchere van funte Jurien wil. vnde wat ome to deme altare funte nycolauf eder in funte Juriens kerken ghe opperet eder ghebracht werd. vnde wat ome hemelken eder openbare van votiuen ghegheuen werd, dat fcal he truweliken vn alto male antworden deme kercheren to Sunte Jurien vnde he fcal alle daghe to mettene 20 vn to vefpere vnde to vilie vn in allen gheyftliken thiden wefen in deme köre mid des kercheren cappelanen To funte Jurien vn in finghen eder lefen helpen de thide it enwere dat he van nod weghene eder vmme redelke fake dar nicht to hus en were. Ok fcal he deme kercheren van funte Jurien bequeme wefen vn ome ere vnde houefcheit beden. alfo alfe deme kercheren Sine anderen Cappellane Doet vn dar vmme fcal de kerchere van funte Jurien ene vorderen vnde vordedinghen vnde ome pleghen laten des ome behöf is, 25 to den miflen lik anderen finen cappelanen. vnde to ener bekantnifle vnde to ener bewifinghe defler ftucke. So hebbe ik diflen bref mid mineme inghefeghele. Na goddes bord Dritteynhundert iar in deme voftegheften iare in deme hilghen auende vfer vruwen aflumpcionis befeghelet laten.
Urkundenbuch Braunschweig und Lüneburg, ed. Sudendorf, 1859 (Google data) 1046, in: Monasterium.net, URL </mom/BraunschweigLueneburg/72e43632-e7af-48ae-8b31-e47f977106e9/charter>, accessed at 2024-05-21+02:00
The Charter already exists in the choosen Collection
Please wait copying Charter, dialog will close at success