Wir dis nâchgenemten V^olrich Ha^ech amman ze Appacelle¹, Hainrich vff der Haitun² amman ze Huntwille³ vnd Cůnrat || Geppenstainer amman ze Gaiss⁴ vnd darnach wir die lantlút alle gemainlich ze Appacelle, ze Huntwille, ze V´rna^eschen⁵ vnd ze || Gaiss vnd alle die, die in dú selben a^empter geho^erent, vnd darnach wir die von Túffen⁶ rich vnd arm kúnden vnd veriehen || offenlich mit disem brief, won das ist, das des hailgen richs stett Vlme, Costentz, Rotwile⁷, Wile⁸, Rútlingen⁹, V´berlingen¹⁰, Ma^emmingen¹¹, Bibrach¹², Rauenspurg¹³, Lindowe¹⁴, sant Gallen, Kouffbúrron¹⁵, Liutkilch¹⁶, Wangen¹⁷ vnd Isnin¹⁸ got ze lob dem haiigen riche ze trost vnd ze êren in selb vnd dem land ze frid vnd ze gemach sich selb verbunden vnd ainer lieplichen frúntschaft v´berain komen vnd ze samen verstrikt hant mit aiden, ainander bestendig beholffen vnd berâten ze sinde nâch des buntbriefs sag, den ouch si darumb ainander geben vnd besigelt hant, doch dem hailgen rich sinú recht ze haltenn vnd ze tu^ende ân alle geua^erde mit namen v^sgesetzt, das wir v´ns alle ainberlich darvmb ietzo mit gůten fúrsa^etzen vnd mit wolberâtem sinne vnd můt nâch v´nsers gna^edigen herren abt Georyen des gotzhus ze sant Gallen¹⁹ gůtem willen vnd gunst vnbetzwungenlich mit aiden, die wir liplich zů got vnd ze den hailgen ietzo darumb gesworn haben, mit disem brief zů den vorgenemten stetten ouch verstriket vnd verbunden haben, den selben bund mit in ze haltenn ze laistenn vnd ze vollfu^erenn vngeuârlichen nach allen puncten mainungen vnd artikeln, als ouch si sich darumb ze samen verschriben vnd verbunden hant vnd als ouch der selb buntbrief von wort ze wort begriffen vnd verschriben stât, âne alle geua^erde. Vnd ze offner wârhait vnd sicherhait aller vorgeschribnen dinge geben wir die obgenanten amptlút alle drie fúr v´ns vnd fúr die vorgedahten lantlút alle gemainlich den obgenanten stetten disen brief besigelten mit v´nsren insigeln, dú offenlich ze gegen daran hangent, vnder dú selben insigel wir die selben lantlút die von Appacelle, die von Huntwille, die von Vrna^eschen, die ab Gaiss vnd alle die, die in dú selben a^empter geho^erent, vnd ouch wir die von Túffen rich vnd arm v´ns willeklich gebunden haben aller vorgeschribnen dinge, won wir aigner insigel niht hattent. Dirr brief ist geben ze sant Gallen an dem na^ehsten samstag vor sant Mychels tag in dem iâre, do von Cristus gebúrt wârent drúzehenhundert jâr, sibentzig jâre vnd darnach in dem sibenden jâre.

Source Fulltext: Chartularium Sangallense IX, Nr. 5613, S. 286-287.