Allen, die disen brief sehent oder ho^erent lesen, kúnde ich her Hartman der meijer von Windegge¹ ritter, das ich minú gu^eter ze Brúnisholtz, ze Meringen, ze Bossingen, ze Rúti², ze Milzinkon³, ze Kalchon, ze Búttinkon⁴ und swas ich han niderthalb dem Ro^etenbach⁵ an min burg ze Richenburg⁶, dú ein teil min recht eigen sint und ein teil min recht erbe von dem gotzhus ze Einsidellen, dien erberen rittern hern Herrn an von Bo^vnstetten dem jungern⁷ und hern Bernge von der hohen Landenberg⁸ ze vron Gerdrut⁹ wegen und in ir namen minr elichen wirtin versezzet han z eim rechten pfande mit allen núzzen, diensten und gemessen und mit allem rechte, als ichs und min vordem har hein bracht, umbe sechzig und zwei hundert march lo^etig silbers^a), der drizig und hundert march der vorgenanden vron Gerdrut minr wirtin recht eigen sint von der^b) heinstúr wegen so ir ir vatter zů mir gab; die selben drizig und hundert march hat si mir ze rechtem lipgedinge gemachet und dien kinden z eigen, die wir sament gewinnen, und z einr widerlegunge han ich ir die andern drizig und hundert march ze rechtem lipgedinge gemachet und ouch dien kinden z eigen, die wir sament gewúnten. Ouch veriehent die vorgenanden her Herman von Bo^vnstetten und her Bernge zer vorgenanden vron Gerdrut minr wirtin wegen: ist das ich mit hern Herman dem marchschalch, minr wirtin vatter⁹, ald dem eltsten sime sùne, ob er enwere, icht anders úberein kume, danne als hie vorgeschriben stat, das das ir ganzer wille ist und sú mir danne du vorgenanden minú gu^eter wider lassen sun ledekliche. Ouch han ich gelobt bi minr trúwe an eis eides stat: wer, davor got si, das der vorgenanden her Herman von Bo^vnstetten oder her Bernge dewedere verdurbe, swem es danne der vorgenande min sweher oder sin eltste sun, ob er enwere, ze minr wirtinne wegen an des verdorben stat getrúwen wil, der sol dú gu^eter han mit dem andern, der danne lebt, ze minr wirtin wegen in allem dem rechte und dien gedingen, als vor genemet ist. Ich han ouch gelobt bi der selben trúwe: wer||
das disú sazzunge dem vorgenanden hern Herrn an, mime sweher, oder sim eltsten súne, ob er enwere, nit wol geviele, das ichs danne inrunt zwein manoden endere und volfu^erre mit gůten trúwen, als^c) es in danne gevalle und min wirtin bewart si. Darzu^e han ich ouch gelobt bi der selben trúwe, das ich die vorgenanden hern Herman von Bo^vnstetten, hern Bernge von der hohen Landenberg ald swer danne disú gu^eter ze minr wirtin wegen in sinr gewalt hat, das ich noch nieman von minen wegen niemer sú beswerren noch dekein wegen daran^d) bekúmberen sol. Und hierúber, das wir beidenthalb hienach an allen stos und krieg beliben und ouch war und stet si, so gib ich der vorgenande her Hartman der meiier von Windegge dien vorgenanden hern Herman von Bo^vnstetten und hern Bernge von der hohen Landenberg ze minr wirtin wegen disen brief besigelt mit mime ingesigel z eim offen urkunde. Wir her Heinrich von Frowenberg¹⁰, friie und ritter in Churer bischtům, und her Herman von Muntfort¹¹, ritter, wan wir dis alles gesehen und geho^ert hant und ouch mit unser gunst und willen beschehen ist, so henken wir unserú ingesigelú an disen brief z eim geweren urkúnde. Dis geschach und dirre brief wart Zúrich geben an dem donrstage nach sant Regelun tult, do von gotz gebúrte ware zweihundert und núnzig jar und darnach in dem zehenden jare, da ze gegeni waren grave Růdolf von Habspurg¹², her Ru^edeger von Werdegge¹³, her Hug von Landensberg¹⁴, her V^olr. von Scho^enenwert¹⁵, her Fútschi in den Reben rittere, her Heinr. von Muntalt¹⁶ friie, her Chůnr. von sant Gallen ein priester, meister Johans Dvie¹⁷, chorher ze Zúrich, V^olr. Redegast, her Heinr. der kuster Zúrich, Heinr. von Meils¹⁸, Jacob von Leimowe, Růlant^e) min amman und ander lúte genůge.

Source Fulltext: UB der südl. Teile des Kantons St. Gallen II/2, Nr. 909, S. 103-105.