Charter CH-StiASG|Urkunden|A.4.B.3

cop.
Abschr. (B), Vidimus v. 6. Aug. 1311, ebd., A.4.B.3a. - Registereintrag (R), Vatikan. Archiv, Reg. Vat. 17, f. 178v, ep. 55, irrt. zum 7. Mai (nonis maii, statt III.non.; auch irrt. ind.VI. statt VII).

Art historical description

Full text

+ Gregorius episcopus servus servorum dei dilecto filio Conrado abbati monasterii sancti Galli¹ eiusque successoribus regulariter substituendis in perpetuum. + || Licet omnibus fidelibus debitores ex iniuncto nobis a deo apostolatus officio existamus, illis tamen propensiori cura nos decet adesse et ecclesiis sibi commissis suam || iustitiam conservare, quos constat ad sedem apostolicam specialiter pertinere. Hoc nimirum intuitu dilecte in domino fili C. tuis petitionibus clementer annuimus et || monasterium sancti Galli, cui deo auctore presides, ad exemplar bone memorie Johannis et Innocentii secundi³ predecessorum nostrorum Romanorum pontificum presentis scripti privilegio communimus, statuentes, ut quascumque possessiones, quecum que bona idem monasterium impresentiarum iuste ac canonice possidet aut in futurum concessione pontificum, largitione regum vel principum, oblatione fidelium seu aliis iustis modis prestante domino poterit adipisci, firma tibi tuisque successoribus et illibata permaneant, adicientes etiam, ut libertates, quas per privilegia predecessorum nostrorum quondam Burchardus provisor ipsius loci⁴ a sede apostolica impetravit, tibi tuisque successoribus inviolata serventur, ut videlicet nulla ecclesiastica secularisve potestas seu cuiuslibet conditionis aut ordinis contra voluntatem abbatis et fratrum idem monasterium intrare presumat nec in quibuslibet titulis, ecclesiis, decimis, patrimoniis seu quibuslibet possessionibus ad eundem locum venerabilem pertinentibus indebitas exactiones aut consuetudines imponere audeat nec quolibet argumenti ingenio in prefato monasterio divinum presumat officium interdicere, sed potius, sicut ab antiquo et usque ad hec tempora idem monasterium in sua libertate permansit, ita sub apostolice sedis tuitione in perpetuum perseveret. Sancimus preterea, ut decime ac possessiones, quas ad ipsum monasterium legitime revocari contigerit, perpetuis ibidem temporibus inviolabiliter conserventur. Decernimus ergo, ut nulli omnino hominum liceat prefatum monasterium temere perturbare aut eius possessiones auferre vel ablatas retinere, minuere seu quibuslibet vexationibus fatigare, sed omnia integra conserventur eorum, pro quorum gubernatione ac sustentatione concessa sunt, usibus omnimodis profutura, salva sedis apostolice auctoritate. Si qua igitur in futurum ecclesiastica secularisve persona hanc nostre constitutionis paginam sciens contra eam temere venire temptaverit, secundo tertiove commonita, nisi reatum suum congrua satisfactione correxerit, potestatis honorisque sui careat dignitate reamque se divino iudicio existere de perpetrata iniquitate cognoscat et a sacratissimo corpore ac sanguine dei et domini redemptoris nostri Iesu Christi aliena fiat atque in extremo examine districte subiaceat ultioni. Cunctis autem eidem loco sua iura servantibus sit pax domini nostri Iesu Christi, quatinus et hic fructum bone actionis percipiant et apud districtum iudicem premia eterne pacis inveniant. Amen amen amen.||
(R)^a) Ego Gregorius catholice ecclesie episcopus subscripsi. (BV)||
+ Ego Jacobus Tusculanus⁵ episcopus subscripsi.||
+ Ego Jacobus Prenestinus⁶ electus subscripsi.||
(Kolonne links):||
+ Ego Thomas tituli sancte Sabine⁷ presbyter cardinalis subscripsi.||
+ Ego Johannes tituli sancte Praxedis⁸ presbyter cardinalis subscripsi.||
+ Ego Guifredus tituli sancti Marci⁹ presbyter cardinalis subscripsi.||
+ Ego Sigenbaldus tituli sancti Laurentii in Lucina¹⁰ presbyter cardinalis subscripsi.||
+ Ego Stephanus sancte Marie trans Tiberim tituli Calixti¹¹ presbyter cardinalis subscripsi.||
(Kolonne rechts):||
+ Ego Rainerius sancte Marie in Cosmidin¹² diaconus cardinalis subscripsi.||
+ Ego Romanus sancti Angeli¹³ diaconus cardinalis subscripsi.||
+ Ego Rainaldus sancti Eustachii¹⁴ diaconus cardinalis subscripsi.||
+ Ego Oto sancti Nicholai in Carcere Tulliano¹⁵ diaconus cardinalis subscripsi.||
Dat. Laterani per manum magistri Bartholomei sancte Romane ecclesie||
vicecancellarii, III. non. maii. indiction. VII. incarnationis dominice anno M°.CC°XXXIIII°. pontificatus vero donni + Gregorii + pape VIIII, anno octavo.

Source Fulltext: Chartularium Sangallense III, Nr. 1235, S. 204-206.

Diplomatic Analysis

Original dating clause: III. non. maii.

Editions:

Stiftsarchiv St. Gallen, Bd. 1, S. 85 (Klosterdruck). - UB St. Gallen III,872. - Bernoulli, Acta Pont. Helv. 1,169 (nach R).

Facsimile:

F. Steffens, Lat. Paläographie (19292), Nr. 91.

Language: Latein

Notes:

^a) Devise in der Rota wie Nr. 906. - ¹ Konrad v. Bussnang, 1226-1239. - ² Papst Johannes X., vgl. UB St. Gallen II,778. - ³ 1130-1143; Ukunde nicht erhalten. - ⁴ Burkhard II, 1001 - +17. Juli 1022. - ⁵ Jacobus de Vitriaco, 1228-1241 Bischof v. Frascati. - ⁶ Jacobus de Pecoraria, 1231-1244 Bischof v. Palestrina, ital Prov. Rom. - ⁷ Thomas de Episcopo Capuanus, 1216-1243 Kardinalpriester v. S. Sabina. - ⁸ Johannes de Columna, 1211-1245 Kardinalpriester v. S. Prassede. - ⁹ Gaufridus Castilionaeus, 1227-1239 Kardinalpriester v. S. Marco. - ¹⁰ Sinibaldus Fliscus, 1227 Kardinalpriester v. S. Lorenzo in Lucina. - ¹¹ Stephanus de Normandis, 1228-1254 Kardinalpriester v. S. Maria Trastevere. - ¹² Rainerius Cappocius, 1216-1252 Kardinaldiakon v. S. Maria in Cosmedin. - ¹³ Romanus Bonaventura, 1216-1236 Kardinaldiakon v. S. Angeli in foro piscium. - ¹⁴ Rainaldus, 1227-1234 Kardinaldiakon v. S. Eustachii. - ¹⁵ Otto Candidus, 1227-1244 Kardinaldiakon v. S. Nicolaio in Carcere Tulliano.

Index

Places

Lateran

How to cite

A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.