In^b) nomine domini amen. Berhtoldus^c) dei gratia abbas totusque conventus monasterii sancti Galli¹ universis Christi fidelibus salutem et in domino caritatem. Quia | ea, que contractibus temporalibus geruntur, scriptis transmitti posteris consueverunt, || ne labatur a memoria, quod rite et provide est contractum, ea, que in dei nomine aguntur, | tanto fortius solidari oportet, quanto gravius offenderetur deus, si negligentia vel desidia intermitti contingeret, que maxima debebant sollercia^d) perhennari^e). Hinc est, quod | cum contillgua nostro monasterio sit capella, que Sepulchrum domini² nuncupatur, in qua sollempnitas sepulture et resurrectionis dominice solet annuo celebrari, queque divinis non fuit in tantum officiis insignita, ut cottidiana in ipsa missarum officia frequentarentur, sed || aliquando raro tamen sacerdos ibidem divina celebrabat, auctor bonorum omnium, qui sua novit obsequia tempore placito promovere, Rv^odolfo nobili de Palma³ inspiravit, ut eandem capellam aliquibus suis bonis dotare vellet⁴, quatenus^f) alicuius subsidio suffragante, qui etiam eidem capelle aliqua de suis largiretur, in eadem sacerdos cottidie ministraret. Decimam itaque in Rorbach⁵, quam iure hereditario a nostro tenebat monasterio, ad manus nostras libere resignavit, ut videlicet prepositus sancti Galli per Burgundiam⁶ fructus eiusdem decime decetero recipiens persolvat annis singulis quattuor^g) libras Constantiensis monete sacerdoti in predicta capella ministranti infra octavam beati Galli. Volentes igitur pium et honestum dicti nobilis propositum adiuvare et effectui debito mancipare, de redditibus monasterii^h) adicimus tantum, ut sacerdos ibidem serviens honeste valeat sustentari. Statuimus etenim, ut prebenda annexa hactenus officio cellerarii monasterii nostri, quam tenet iam magister Johannes scolasticus noster⁷, cum primum vacaveritⁱ⁾, sacerdoti in supranominata capella ministranti suisque successoribus perpetuo deserviat et deputata perseveret, cum una libra Constantiensis monete sibi adiuncta de^k) bonis nostris in Sitrundorf^l)8 persolvenda, ut sic in universo sacerdos idem decem librarum redditus annuos habeat pro sua sustentatione, quinque videlicet per prebendam, quattuor^g) de preposito Burgundie et unam de Sitrundorf^l). Medio autem tempore, hoc est antequam vacet prebenda pretaxata, preter quattuor libras^m) de Burgundia recipiatⁿ⁾ sacerdos prenominatus ittidem^o) tres libras de Sitrundorf preter illam libram suprapositam annuatim, itemque duas libras superaddet prepositus per Brisaugiam⁹ monete videlicet Constantiensis de nummis speetantibus ad communem prebendam. Vacante autem prebenda cellerarii prenotata remanebunt sacerdoti sepedicto suprascripti redditus, tribus libris de Sitrundorf^l) ad nos abbatem redeuntibus, duabus etiam de Brisaugia communi prebende ut antea remansuris. Et ne dictus sacerdos pro sua prebenda continue conqueri cogatur, actum est et ordinatum de voluntate prepositi per Burgundiam tociusque^p) conventus monasterii sancti Galli, ut si prepositus iamdictus, qui pro tempore fuerit, non persolvat dicto sacerdoti quattuor libras^m) de decima in Rorbach infra octavam beati Galli annis singulis, ex tunc teneatur sacerdoti memorato persolvere XX^tiq) modios tritici mensure sancti Galli infra octo^r) dies ab ipsa octava computandos pro illis IIII^orm) libris. Quos siquidem modios si infra eosdem octo^r) dies non persolverit, ex tunc abbas, qui pro tempore fuerit, vel decanus, si abbas presens non fuerit, requisitus per capellanum predictum incontinenti interdicat sepenominato preposito omnem prebendam suam secundum consuetudinem monasterii sibi subtrahendam, non restituendam, nisi prius dicto sacerdoti de tritico sibi debito plenarie fuerit satisfactum. Ceterum et hoc per presentes scire volumus universos, quod Waltherus dictus de Kilicheim^s) canonicus sancti Stephani Constantiensis¹⁰ vineamt^t) suam in Bernanch^u)11 emptam a Dietrico milite de Wichinstain^v)12 capelle predicte in commemorationem anime sue perpetuam libere resignando tradidit quoad proprietatem eiusdem, retinendo sibi pro tempore vite sue usufructum. Sed ad memoriam donationis annis singulis eidem sacerdoti unam sovmam vini de ipsa vinea assignabit, nisi forte fortuna contraria una sovma^w) non posset colligi in vinea memorata. Et quia in omnibus suprapositis cautum est utilitati sacerdotis sepefati, honus^x) etiam voluntarie recipiat prebende sue annexum, hoc est quod personaliter eidem capelle deserviat cottidiano officio, horis canonicis et missa, prout hec consueverunt in aliis territorii nostri capellis et ecclesiis expediri. Ad chorum etiam nostrum veniat sicut et alii prebendarii prebendam de nostro refectorio recipientes, ubi etiam tropos super introitum, offertorium et communionem cantet cum sibi adiuncta persona. Interesse quoque debet misse beate virginis, sicut mos est decantande. In absentia confratrum nostrorum vel minutione ad chorum veniat, prout ei demandatum fuerit per priorem. In parasceve ad salutationem crucis decantet Popule meus et versus Crux fidelis. In processione paschali sacerdoti eucharisthiam^y) in calice portanti assistat, ipsum sicut necesse fuerit adiuvando. Hec omnia prenotata per se vel per alium ad hoc ydoneum^z) tenebitur expedire. Denique hanc etiam conditionem adicimus de communi nostri omnium voluntate, ut si per nos abbatem et conventum vel ab altero nostrum decimam in Rorbach prelibate capelle collatam per nobilem virum R. de Palma militem in totum^aa) vel in partem distrahi vel quocumque titulo alienari contingeret sine voluntate dicti nobilis heredumve suorum vel successorum legittimorum^ab), ad ipsos decima eadem revertatur omni eo iure, quo ipsam tenuit dictus nobilis tempore sue collationis et resignationis. Preterea si dicte capelle, quociens^ac) eam vacare continget, nos abbas vel quilibet noster successor infra decem septimanas a tempore vacationis et nostre scientie de sacerdote non providerimus, dicta decima etiam, prout proximo suprascriptum est, ad suum collatorem revertatur suosve heredes et successores. Post supradicta autem omnia, quod oblivioni videbatur traditum, adicimus, ne divinum cultum in capella predicta deficere contingat, statuentes, ut capella predicta nulli confratrum nostrorum decetero committatur aliquatenus officianda, sed clerico seculari, qui constringatur subtractione proventuum officiare capellam et choro debita persolvere iuxta formam superius annotatam. Qui etiam feria secunda pro defunctis et feria quinta pro vivis immemoriam^ad) dicti nobilis et uxoris sue sibique attinentium missas celebrare septimanis^ae) singulis non ommittat^af). Quod si diebus eisdem commode fieri non possit, aliis diebus competentibus expleatur. Ut igitur prescripta omnia robur debite firmitatis optineant imperpetuum^ag) nequeantque alicuius prave suggestionis aut cavillationis ingenio irritari, nos abbas et conventus prenominati presens instrumentum fieri mandavimus, illud sigillorum nostrorum munimine roborantes, subscriptionem nominum nostrorum singulorum et etiam testium apponi facientes.||
Nos Berhtoldus^c) abbas, Ernestus decanus¹³, Rv^omo custos¹⁴, Rv^edegerus^ah)15, V^olricus¹⁶, Hainricus^ai) et Hugo presbiteri¹⁷, item V^olricus¹⁸, Hainricus^ai)19 et Albertus dyaconi^ak)20, item Hainricus^ai), Fridericus²¹ et Hainricus^ai) subdyaconi^al).||
Burchardus et Waltherus prespiter^am) prebendarii sancte Fidis²², Waltherus presbiter et Waltherus de Kilichaim^an)10 et Andreas de Willeberch^ao) prebendarii sancti Leonhardi^ap)23, Conradus presbiter sancti Oswaldi²⁴, Dietricus et Ebirhardus^aq) vicarii sancti Laurentii²⁵, Waltherus rector ecclesie de Swarzinberch^ar)26, magister V^olricus^as) quondam scolasticus²⁷, magister Johannes modernus scolasticus²⁸ et alii plures. Actum in monasterio nostro, anno domini millesimo CC°.LXX°.^at)

Source Fulltext: Chartularium Sangallense IV, Nr. 1876, S. 74-76.