Universis presentem paginam inspecturis patere debet, quod nobilis vir comes Ro^vdolfus de Raprehtswiler¹ olim cogitans de salute ani||me sue laudavit in manibus domini Bertholdi abbatis monasterii sancti Galli² necnon et iuramento firmavit, se non alienaturum quicquam de feodis, || que tenebat ab eodem monasterio, nec quicquam inde facturum, quominus feoda ipsa eo sine iustis heredibus decedente sine quovis onere redeant || ad monasterium suprascriptum. Inter que predicta feoda curiam unam, que vocatur Iringinhusen³, deputavit ipsi monasterio specialiter cum omnibus iuribus, pertinentiis et utilitatibus eiusdem, nullo unquam tempore aut casu alienandam, sed usibus fratrum perpetuo serviendam. Ipsi vero fratres anniversarium diem ipsius comitis agent eo die, quo evenerit. Item in anniversario patris sui, qui occurrit in festo sancti Conradi⁴, agent commemorationem eiusdem et aliorum parentum suorum, ita quod presbyteris duodecim capellarum, qui, ut moris est, dictorum anniversariorum obsequiis intendere et interesse debent, in utroque anniversario singulis XVIII denarios de reditibus dicte curie ministrentur, et quodeumque residuum fuerit, ad utilitates et servitia fratrum cedat. Ministratio vero huius curie ad officium prepositure specialiter pertinebit. Hec autem ordinatio locum habet ipso comite sine herede legitimo decedente, nam si heredem habuerit, tunc cessantibus istis dictus comes vel eius heres dabit monasterio vel duos mansus vel quadraginta marcas argenti pro remedio anime sue, quod magis elegerit faciendum, et de hoc legato anniversarius dies ipsius comitis tantum semel in anno, ut supra dispositum est, agetur. In quorum omnium corroborationem et facti memoriam dominus abbas suum et capituli sui, ipse vero comes proprium sigillum presentibus iusserunt appendi. Act. apud sanctum Gallum, anno domini MCCLVII. XVI. kl. april.

Source Fulltext: Chartularium Sangallense III, Nr. 1562, S. 410-411.