Wir von gottis ginadin abte Wilh. von sante Gallin¹ kundin allen den, die dizin brieue lesint || oder ho^errint lesin, aen warhait alles des, so hie nah gischribin stat. Ir sont alle wissin für || war, de für vns kom her Hartman von Brahsberg² vnde^a) sin bruoder Ludewig vnsers gotzhu||ses dienstman, vnde encigin sich offinlich vnde vrilich in vnser hant vnde hern Friderichs vnde hern Swiggers der Tumbin von Nuwenburg³ hant aller der ansprach vnde alles des rehtis, so su hettin alt han wandin an der vogtae ze Sitrundorf⁴, die die seibin her Friderich vnde her Swigger die Tumbin gabin reht vnde redilich ze kofin mit allim, so darzů ho^ert, vnde mit reh^b) hern^c>... von Ende⁵, vnde och an dem kilchinsace ze Sitrindorf, den sü dem seibin dem von Ende gabin vrilich vnde luterlich dur got mit allim reht. An dizin dingin wart gipflegin mit wort, mit werch, mit gibaerdin aller der gicierde, mit vf genn vnde enpfahinn aller der gicierde, so man bidarf ze so getanin dingin. De aber dis war si vnde staet bilib, do hangtin wir vnser ingisigil an dizin brieue. Wir her Hartman vnde Ludewig von Brahsberg viriehin aein warhet alles des, so dauor gischribin stat, vnde ze aenim offinim vrkunde hangtin wir baede vnsru ingisigil an dizin brieue. Diz bischah vnde wart dirre brieue gigebin ze sante Gallin, do man zalt von gottis giburte drucehinhundert jar, der VII idus maien, indic. der XIII. Do ze gegin warin her Hiltebolt der custer⁶ vnde her Joh. von Gutingin⁷ closterherrin ze sante Gallin, her Hug der lutpriester von sante Laur.⁸, her H. von Honburg⁹, her Egl. von||
Rosinberg¹⁰ ritter, Braenci von Gutingin, H. von A^emzz¹¹, Egl. vnde V^olr. die vo^egt von Wartinse¹², C. der Kamerer vnde anderr biderber lut ginuog.

Source Fulltext: Chartularium Sangallense V, Nr. 2504, S. 11-12.