Wir Willebirg abbettischin^a) vnd^b) alle die fro^vwen des gotzhus ze Schennis¹ kunden allen den^c) || disen brief lesent oder ho^erent lesen, ein erkantnunst der nach geschriben dingen. Wissen alle, den ez || ze wissenne beschicht, de wir über ein sin komen eis wechsels mit dem edeln herren grauen Fri||derich von Toggenburg² vmbe lute, die hie nach geschriben sint, wir geben in der stat ze Liechtensteige³, die vnsers gotzhus eigen waren, Katerinen V^ol. wip des Langen vnd ir kint vnd des Schedlers wip von dem Roten Steine⁴ vnd ir kint vf dem berge ze Andmon⁵, vmbe Wernhers Wespis wip selb dritton, Mech. Wezzeloto(n)^d) vnd zwei ir kint, Heinzin Kůn sun vnd Heidinon Růmlaten vnd zwei ir kint, mit allem dem rechte vnd mit aller der gewarsami vnd sicherheit, so man lute wechslen sol nach rechte, vnd sulen die vorgenanden lute niemer me angesprechen weder an geislichen noch an weltlichem gerichte. Vnd de dirre Wechsel stete si vnd gantz belibe, so henken wir unseru ingesige^e) an disen brief. Dirre brief wart geben, do man zalte nach gottes geburte druzehenhundert iar vnd dar nach in dem zwelften iare, an der michtvn^e) nach mitteruastvn.

Source Fulltext: Chartularium Sangallense V, Nr. 2816, S. 214.