Wir graue Go^etfrit von Tvwingen¹ tvn kunt allen den, die disen brief senhent alder ho^ernt lesen, daz wir durch || des erba^eres mannes bette willen Wernhers des Maiers von Frumarn² genant siner êlichun vrowen Livgart vnde || ir kinde, die si nu hat vnde her nach haben^a) mag, vnde aller der, die da von komen^b) mugen, verzihen vnde fur||zigen han von vns vnde von vnseren erben gegen vnserm herren .. dem abbete vnde dem gotteshuse ze sant Gallen, also vnde mit solchim gudinge, daz div vor gunante vrowe vnde ir nach komen halbe^c) ho^eren vnde gubunden sin dem vor genanten gotteshuse von sant Gallen vnde och vns vnde vnsern erben zv^o ho^eren vnde gubunden sin och zv^o dem halptail, als si vns vormales aigenlichen zv^o horten. Dirre dinge ist gezvg herre Diether der Herter kircherre ze Wabelingen³, herre Friderich von Gomeringen⁴ an ritter, Friderich von Rore⁵, Johannes von Tischingen⁶, Johannes von Wilan⁷ vnde Hainrich der Leseher vnde ander erber livt vil. Daz nu dis war vnde sta^ete belibe, so han wir graue Go^etfrith vnser insigel gehenget an disen brief zv anem sta^eten vrkvnde. Dis geschach vnde wart dir brief gegeben am nehsten dunrstag nach sant Jacobes tag in dem jar, do man zalte von gottes geburth drivzenhenhundert jar vnde in dem zv^olften jar.

Source Fulltext: Chartularium Sangallense V, Nr. 2826, S. 221.