Allen den, die disen brief ansehent lesent oder ho^erent lesen, kúnd ich Růdolf von Stainach¹ || hofamman ze sant Gallen vnd vergich offenlich mit disem brief fúr mich vnd fúr alle min er||ben, das der erwirdig min gena^ediger herre abt Geori von gottes gnâden abt des gotzhus ze || sant Gallen² mir geben vnd gantzlich gewert hat drissig pfunt pfenning gůter Costenzer múns an den zwai vnd fúnfzig pfunt pfenning, die er mir schuldig ist, darumb er mir das hofampt ze sant Gallen, das sunderampt³ vnd das ampt ze Túffen⁴ versetzet hat, als der brief⁵ bewiset, den ich von minem vorgenemten herren darumb hân, vnd das er noch sin nahkomen mir noch minen erben bi dem selben pfantz^a) vnd brief vnd och von der geltschuld wegen nút mer schuldig sint vnd gelten sont dann zwai vnd zwainzig pfunt pfenning der vorgeschriben múns. Vnd des ze ainer warhait henk ich min insigel fúr mich vnd fúr alle min erben an disen brief. Der geben ist ze Wil⁶ an dem na^ehsten samstag vor sant Verenen tag in dem jar, do man zalt von gottes gebúrt drúzehenhundert iar, sehzig iar vnd darnach in dem sehsten jare.

Source Fulltext: Chartularium Sangallense VIII, Nr. 5038, S. 227.