Wir Laurencii vnd Johans Arnolt gebrůder Johansen Arnoltz sa^eligen wilent elichen súne veriehent vnd tůnd kund offenlich mit disem || brief allen, die in ansehent lesent oder ho^eirent oder ho^eirent lesen, das der erwirdig v´nser gna^ediger herr abt Cůn des gotzhus ze sant || Gallen¹ v´ns geben vnd bezalt ha^vt hundert sehzig vnd ain phund phennig gůter Costentzer múse^b), der wir ga^entzlich von im gewert sint, als wir || veriehent an disem brief, da mit er von v´ns erlo^est vnd erledgot ha^vt die vesti Valkenstain², dis na^vhgeschriben ia^erlichen zins, ze dem ersten vss dem dienst ze Appazell³ fúnfzehen phund phenning gůter vnd gena^emer Costentzer múnse vnd von dem Spicher⁴ sehs phund phenning, in dem Len⁵ ain phund phenning, in dem Tobel⁶ vnd hinder dem Rain⁷ aht phund phenning, vss dem Wittabach⁸ siben phund vnd siben schilling phenning, von Gosso^vw⁹ drú phund minder fúnf schilling phenning vnd von Waltkilch¹⁰ drúzehen phund phenning alles Costentzer múnse, die abt Geori sa^elig¹¹ v´nserm vatter sa^eligen versetzt hatte, die selb vesti zins vnd lút v´nser gewa^er pfand warent. Vnd dar vmb so sagent wir fúr v´ns vnd v´nser erben den selben v´nsern herren abt Cůn vnd o^vch sin na^vchkomen vnd dz gotzhus ze sant Gallen gentzlich vnd gar der vorgeschribnen phenning vesti zins lút vnd gu^eter ledig vnd lo^vs vnd quit mit vrkúnd dis brieues vnd verzihen v´ns o^vch fúr v´ns vnd v´nser erben gemainlich vnd ietweder besunder aller reht vordrung vnd anspra^vch, so wir zů der vorgeschribnen vesti zinsen lúten vnd gu^etern gehebt haben oder hie na^vch gewinnen oder erwerben mo^ehtin in dehain weg. Bescha^ech ôch, daz wir oder v´nser erben oder ieman von v´nsern wegen nû oder hie na^vch kainen brief fundent von der obgenanten vesti ia^erlichen zinsen lúten ald gu^etern wegen, den oder die brief sont wir oder v´nser erben a^vn widerred geben vnd in antwurten dem egenanten abt Cůn oder sinen na^vhkomen vnd dem gotzhus ze sant Gallen. Ta^etin aber wir das nút, wo denn der oder die brief zo^egt oder vsgezogen wurdent, der vnd die brief sont v´ns vnnútz vnd gegen v´ns to^vd vnd ab sin vnd dem obgenanten abt Cůn vnd sinen na^vhkomen vnd dem gotzhus ga^entzlich vnscha^edlich vff gaistlichem vnd weltlichem geriht vnd an allen stetten, wo si vsgezogen wurdent. Des ze gantzzer sicherhait vnd offem vrkúnd so hand wir v´nsri aigni insigel gehenkt an disen brief. Der geben ist ze sant Gallen an der na^ehsten mittwochen nach sant Agnesen tag, do man zalt von gottes gebúrt drúzehenhundert jar vnd darna^vch in dem ahtzigosten jare.

Source Fulltext: Chartularium Sangallense IX, Nr. 5766, S. 435-436.