Wir Johans von gotes gnaden abte vnd wir der conuent gemeinlich || des gotzhuses ze sant Johans¹ sant Benedicten ordens in Costintzer || bystum gelegen veriehent offenlich an disen^a) brief allen den, die in sehent || ho^erent lesent, daz wir einmu^etlichen vnd willichlichen gegeben hant vnd geben mit disem gegenwertigen brief dem edeln herren graf Friderrichen von Tockenburch² vnd sinen erben alliv div kint halbiv, div Adelheyt des Spehten^b) tohter, div vnsers gotzhuses ist, ietz hat ald noch gewinnet mit Chunr. ab der Egge, der vnsers vorgeschrieben herren von Tockenburch eygen ist, also daz wir noch enhein vnserr nachkom^a) den vorgeschrieben vnsern herren graf Friderrichen von Tockenburch noch sin erben nu^et sumen sullen an irem halben teyl der kinden mit geriht geystlichen noch mit weltlichen noch mit enheinen sachen. Des ze vrku^ende geben wir abt Johans vnd wir der conuent^c) der obgeschrieben ze sant Johan fu^er vns vnd fu^er alle vnserr nachkomen disen brief dem edeln herren graf Friderrichen von Tockenburch vnd sinen erben versigelten mit vnsern insigeln, div beydiv dar an hangent. Der geben ist ze Liehtensteig³ nach Cristes gebu^ert tusent jar, driu hundert jar, in dem sehzigestem jar, an sant Scolatiken^a) tag der heyligen megde^d).