Otto de Rinegge¹ vicarius reverendi in Christo patris et domini Johannis electi et confirmati ecclesie Const(anciensis)² in spiritualibus et temporalibus generalis omnibus presentes litteras intuentibus rei || geste cum noticia subscriptorum. Litigandi auffertur occasio successor(ibus), si res gesta scripturarum memorie commendatur. Noverint igitur presencium inspectores universi, quod constituta || coram nobis anno domini millesimo CCC°.L° tercio feria quarta post festum beati Jacobi apostoli proxima iudicii in figura domina V^edelhildis nata quondam Heinr. dicti de Arbun³ im Kilchof || uxor legitima Johannis dicti de Staina⁴ armigeri cum eodem Johanne de Staina marito et advocato eius fatebatur in iure coram nobis de consensu et voluntate prefati Johannis de Staina mariti et advocati eius et eo presente libera et spontanea voluntate bona et matura deliberatione prehabita, quod ab antiquo ius patronatus et ius presentandi rectorem ad ecclesiam Salmensa⁵ Const(anciensis) dyocesis sibi et antecessoribus suis et honor(abilibus) in Christo . . capitulo ecclesie sancti Stephani Const(anciensis)⁶ ab antiquo communiter et mutuo pertinuerit, pertineat et pertinere debeat, ita videlicet, quod postquam ipsa domina V^edelheldis vel antecessores eius semel seu una vice aliquem pro rectore eiusdem ecclesie in Salmensa loci ordinario presentaverint et quod illo decedente vel dictam ecclesiam resignante seu dicta ecclesia alias occasione eiusdem . . rectoris tunc presentati qualitercumque vacante seu vacatura, quod extunc dictum capitulum ecclesie sancti Stephani Const(anciensis) etiam una vice seu semel dictam ecclesiam in Salmensa conferre seu unam personam ecclesiasticam ad eandem presentare debeat, et quod sit vicissim et alternis vicibus in antea in perpetuum ille modus et ordo inter ipsam dominam V^edelhildim ac heredes seu successores eius et inter . . capitulum predictum et ipsorum successores esse et observari debeat et quod ille modus hactenus fuerit et sit observatus, et quod nunc predicta ecclesia in Salmensa ex libera resignatione Dyethelmi de Staina⁷ fratris predicti Johannis de Staina religionem ingressi vacaverit, et quod predictum . . capitulum predicte domine V^edelhildi ex gracia speciali permiserit et consentierit hac vice, quod ad dictam ecclesiam in Salmensa presentaret domino ordinario loci Burch. filium Johannis dicti Knobelo^vch ministri . . dictorum de Staina fratrum clericum sine omni preiudicio ipsius . . capituli, et quod post decessum eiusdem Burch. vel qualitercumque dictam ecclesiam in Salmensa occasione eiusdem Burch. vacare proxime contingerit, dictum capitulum ecclesie sancti Stephani Const(anciensis) eandem ecclesiam in Salmensa conferre et ad eandem unum rectorem presentare debeat sine omni contradictione et reclamacione prefate domine V^edelhildis ac heredum et successorum eius. Et prefata domina V^edelhildis de consensu et voluntate et auctoritate predicti Johannis de Staina mariti et advocati eius promisit fide prestita nomine sacramenti sollempni interposita stipulacione pro se et heredibus seu successoribus suis, contra premissa numquam facere vel venire vel dictum . . capitulum in huiusmodi impedire quovismodo vel ingenio directe vel indirecte in iudicio vel extra iudicium per se vel alium seu alios publice vel occulte, quominus dictum . . capitulum ecclesie sancti Stephani Const(anciensis) dictam ecclesiam in Salmensa exnunc proxime vacaturam vel inposterum secundum ordinacionem et modum predictum conferre et ad eandem unum rectorem, cum ad id se facultas obtulerit, possit et valeat presentare. Et prefata domina V^edelhildis de consensu predicti Johannis mariti^a) ac advocati sui renunciavit libere et expresse pro se et heredibus et successoribus suis privilegio fori et omni iuris auxilio canonici et civilis, quibus iuvari facere vel venire posset contra ea, que in presentibus litteris continentur, in toto vel in parte fide prestita nomine sacramenti qua supra ac omnibus iuris et facti remediis, que sibi vel heredibus seu successoribus suis possent in premissis quomodolibet suffragari. Et in premissorum omnium et singulorum testimonium et roboris firmitatem sigillum vicariatus nostri ad peticionem predicte domine V^edelhildis unâ cum sigillis eiusdem domine V^edelhildis et Johannis de Staina mariti et advocati eius duximus presentibus litteris appendendum, quibus et nos V^edelhildis predicta et Johannes de Staina maritus et advocatus eius predictus ad maiorem certitudinem et cautelam recognoscentes premissa omnia et singula per nos modo premisso esse facta nos et heredes et successores nostros ad ratihabicionem omnium premissorum firmiter astringentes sigilla nostra propria unâ cum sigillo prefati domini Ottonis vicarii eciam apposuimus in testimonium omnium premissorum. Dat. Const(ancie) anno et die quibus supra, ind. VI^a.

Source Fulltext: Chartularium Sangallense VII, Nr. 4308, S. 198-199.