Ich Hainrich Arnolt von sant Gallen vergih vnd tůn kunt fur mich vnd fúr min erben allen den, die disen brief sehent lesen || oder ho^errent lesen, das ich mit bedahtem můt williklich verko^vft hab redlich vnd reht vnd ze ko^vfen geben hab das gůt, das gelegen || ist in der O^vwe ze Haselo^vwe uf der Rota¹, mit allem dem, so dar zů geho^ert, vnd mit allen rehten, es si genemt ald vngenemt, || das min lehen was uon minem gena^edigen herren^a) abt Herman von gottes gnaden abt des gotzhus ze sant Gallen² vnd o^vch uon dem selben gotzhus, den erberen gaislichen lúten brůder Hainrich, dem man sprichet Hilwer, maister der brůder des obren spitals ze sant Gallen³ vnd o^vch den selben brůdern der samnung des vorgenemten spitals vnd ir nahkomen fúr ain ledig gůt, da nút ab gat won zwai viertel habern sant Galler messes zehenden, vmb XI.^b) phunt^c) gůter vnd ga^eber Costenzer phenning, der ich von inen gewert bin vnd enphangen hab an baren vnd beraiten phenningen, vnd die selben phenning an minen gůten offen nuz bekert sint an den stetten, da ich minen schaden mit verkomen hab. Vnd gab das selb gůt uf vnd sant es bi dem beschaiden manne Johansen dem alten Múnser vf vnd bat den vorgenemtem^d) minen gna^edigen herren abt Herman, das er es^e) von gnaden lih den vorgenemten brůdern vnd ir nahkomen, das er o^vch getan het dur min bet vnd uon gnaden. Vnd das ich ald ieman an minr stat das vorgenemt gůt iemer angespreche an gaichslichem^d) ald weltlichem geriht, darumb enzih ich mich vnd han enzigen mit disem brief alles rehte^d) vnd ansprach vnd alles schirms gaischlichs vnd weltlichs gerihtes, da mit der vorgeschriben ko^vf bekrenket mo^eht werden in kainen wegen, vnd bin o^vch des uorgeschribens gůt wer nach reht fúr ma^ellichen^f) der uorgenemtem^f) brůdern vnd ir nahkomen, vnd o^vch min brůder V^olrich Arnolt, der o^vch wer ist des vorgeschribens gůt mit mir^g) der vorgenemten brůdern vnd ir nahkomen vnd der das getan hat dur min bet. Vnd des ze ainer warer^d) vrkunt so gib ich disen brief besigelt mit minem insigel. Ich V^olrich Arnolt vergih, das ich dur bet Hainrichs mins brůder des vorgenemtem^d) wer bin der vorgenemten gu^eter nah reht brůder Hainrichs des maisters vnd der andren brůdern da uorgenemt vnd ir nahkomen. Vnd des ze ainer warheit dar^h) so henk ich o^vchⁱ⁾ min insigel an disen brief. Der^k) geben ist in der stat ze sant^l) Gallen, an dem na^ehsten fritag vor der zwelfbotten tag Philippi et Jacobi, do man zalt von gottes gebúrt XIII. hundert jar, dar nah in dem XL. vnd V. jar.

Source Fulltext: Chartularium Sangallense VI, Nr. 3920, S. 468-469.