Allen^a), die disen brief ansehent oder ho^erent lesen, kv´nden wir Hainrich vnd V^olrich die Tegan gebrůder burger ze Costentz vnd verge||hin des offenlich mit disem brief, als wir vormals V^olrich den Kra^eyer von Zůzwile¹, Adelhaiten sin elichen wirtinne vnd irú kint || gekofft habent von den Hofmaistern von Frowenuelt² gebrůdern, vnd die och wir ze rehtem lehen gehebt habent von dem erwir||digen hohgebornen fúrsten abt Kůn des gotzhus ze sant Gallen³, das wir da fúr v´ns vnd fúr alle v´nser erben dem selben v´nserm gna^edigen herren abt Kůn des gotzhus ze sant Gallen vnd dem selben sinem gotzhus die vorbenempten lút mit lib vnd mit gůt in allen dem rehten vnd ôch in aller der ma^vsse, als wir die v´ntz her von aigenschaft oder von lehenschaft gehebt haben, ledklich vnd los vffgeben, vnd habent v´ns an inen vnd an ir gůt verzigen vnd verzihent v´ns vnd v´nser erben daran mit disem brief gen dem vorgenanten v´nserm herren von sant Gallen vnd gen sinem gotzhus vnd gen allen sinen nachkomen aller aigenschaft aller lehenschaft aller vorderung aller ansprach vnd alles rehten gaischlichs vnd weltlichs gerihtes, da mit wir die egenanten lút vnd gůt nv ald hernach fúr aigen oder fúr lehen kv´ndint ald mo^ehtint angesprechen in dekain wise. Vnd ze warem vrkv´nde aller dirre ding geben wir die vorgenanten Hainrich vnd V^olrich die Tegan gebrůder v´nsrú insigel an disen brief. Der ist ze Costentz geben, do man von Cristes gebúrte zalt drúzehenhvndert jar, darnach in dem ain vnd ahtzigosten jar, an dem na^ehsten zinstag vor sant Georyen tag.

Source Fulltext: Chartularium Sangallense IX, Nr. 5835, S. 489.