In^a) nomine domini amen. V^olricus dictus Nekker decanus decanatus in Lindo^vw¹ Const(anciensis) dyocesis commissarius seu executor a reverendo in Christo patre domino Heinrico dei gracia episcopo Const(anciensi)² ad infrascripta || specialiter deputatus universis et singulis, quos nosce fuerit oportunum quorumque interest seu interesse poterit quomodolibet nunc vel in futurum, noticiam subscriptorum cum salute in domino sempiterna. Litteras reverendi in Christo patris ac domini Heinrici || dei gracia episcopi Const(anciensis) prescripti eius vero sigillo pendente in cedula pergameni cum cera crocei coloris sigillatas et ut moris est communitas sanas et integras non viciatas non lesas non cancellatas non || corruptas nec in aliqua sui parte suspeetas sed prorsus omni vieio et suspicione carentes presentatas mihi per discretum virum Johannem Coci de sancto Gallo presbyterum dicte Const(anciensis) dyocesis, me cum ea, qua decuit, reverencia noveritis recepisse, quarum tenor de verbo ad verbum sequitur in hec verba: ||
Es folgt der Text von Nr. 5982.||
Post quarum quidem litterarum reeeptionem et lectionem dictus Johannes Coci me cum instancia debita requisivit, ut ad executionem mandati supradicti procedere ipsumque in possessionem predicte ecclesie in Wasserburg³ cum iuribus et pertinenciis suis universis per me vel alium ducerem corporalem faciens eidem de fructibus et redditibus dicte ecclesie a decimatoribus censuariis et reddituariis integraliter responderi ipsumque reciperem et a meis confratribus recipi facerem in confratrem et alia sibi facere, que in dictis litteris continebantur et mihi super huiusmodi provisione mandabantur, curarem. Ego igitur V^olricus decanus commissarius seu executor prescriptus volens tamquam obedientie filius suprascriptum mandatum et litteras huiusmodi michi in hac parte directas reverenter exequi, ut teneor, visis litteris suprascriptis ipsum Johannem Coci de sancto Gallo in meum et dicti decanatus meo ac etiam totius capituli prescripti decanatus nomine recepi confratrem et ad dictam ecclesiam admisi per traditionem litterarum prescriptarum ac etiam recipio et admitto per presentes iniungendo omnibus et singulis meis et dicti decanatus confratribus, ut suprascriptum Johannem Coci in ipsorum reciperent confratrem ac eum pro vero rectore ipsius ecclesie in Wasserburg haberent tenerent nominarent et reputarent, quem etiam ut sic pro tali habeo teneo nomino et reputo per presentes. In quorum omnium et singulorum testimonium presentes litteras per notarium publicum infrascriptum scribi et publicari mandavi meique sigilli feci appensione muniri. Datum et actum in domo habitationis mee in oppido Lindow situate anno domini M^mo CCC^mo LXXX^mo tertio, mensis novembris, die vicesima prima, hora none vel quasi, indictione sexta, presentibus discretis viris Hainrico dicto Keller de Núwen Rauenspurg⁴, Georio dicto Nekker et Cůnrado dicto Lo^eli laycis Const(anciensis) dyocesis testibus ad premissa vocatis pariter et rogatis.||
(ST) Et ego Johannes Wildrich de sancto Gallo clericus Const(anciensis) dyocesis publicus autoritate imperiali notarius, quia prescriptarum litterarum presentacioni requisicioni recepcioni et admissioni omnibusque aliis et singulis dum ut prescribitur tempore et loco per prefatum dominum V^olricum decanum decanatus in Lindow agerentur et fierent, una cum prenominatis testibus presens interfui eaque omnia et singula sic fieri vidi et audivi, idcirco hoc presens publicum instrumentum ac presentes litteras de mandato ipsius domini V^olrici decani exinde confeci et manu mea propria conscripsi et in hanc publicam formam redegi signoque meo solito et consweto una cum appensione sigilli eiusdem domini V^olrici decani signavi rogatus et per suprascriptum Johannem Coci requisitus in fidem et testimonium omnium premissorum.

Source Fulltext: Chartularium Sangallense X, Nr. 5984, S. 157-158.