Ich abt Heinrich von gotes verhengde des gotshuzes ze Vischinun¹ vnd der chonvent kunden || allen, die dizen brief sehent oder horent lezen, dc wir mit dem erberrem herren abt || Bertolte vnd dem conuente von sant Iohanne in Turtal² eimmůtecliche vber ein sin || chomen eines Wechsel, also dc wir Adilheide von Munchaffoltrangen³ Bertoltes tohter von Hizzelinswisa^a)4 vnd iro kint haben gegeben vmbe Mehthilde Eberhardes tohter a der Hůbe⁵ dem goteshuse ze sant Iohanne eigenliche vnd ewecliche ze habenne mit allem rehte. Vnd dc dis stete vnd ewig belibe, dar vmbe so hench ich der vorgenante abt Heinrich min insigel mit dem insigel vnsers conuentes an dizen gegenwurtigen brief. Diz beschach ze Swarzenbach⁶ nach vnsers herren geburte Iesu Christi zwelfhundert iar vnd nunzech iar vnd dar nach in dem dritte iare, an dem nehstem zinstage nahc^b) sant Andres tage.

Source Fulltext: Chartularium Sangallense IV, Nr. 2323, S. 420.