Ich herzog Herman von Tek¹ her ze Oberndorf² vergih offenlich an disem brief, das ich dem erwirdigen fúrsten vnd sun||derbar minem genaedigen heren apt Herman des gotzhus ze sant Gallen³ vnd sinem gotzhus gelob vnd gehais mit miner || trúw vnd aid, alles das ze tůn vnd ze follfu^eren, was ain man sinem heren von sinem lehen vnd sinem gotzhus || ze reht tůn sol, won er mir Oberndorf die stat vnd was zů dem schenken ampt ho^ert, ze rehtem lehen verlúhen hat, als es min vordern bis her an mich braht hant, vnd won er solich genad an mich geleit hat, so gib ich im vnd dem gotzhus ze sant Gallen disen brief mit minem aigen insigel besigelt. Geben ze Oberndorf an sant Gallen tag nah Cristus gebúrt drúzehen hundert iar in dem drú vnd vierzigosten jar.

Source Fulltext: Chartularium Sangallense VI, Nr. 3855, S. 412.