Allen den, die dizin brieue lesint oder ho^errint lesin, kundin wir Adilh.¹ aenes edeln ritters || vrowe hern Dieth. saelig von Gütingin² vnde^a) V^olrich ir sun aen ritter vnde Wilh. sin || bruoder³, dc wir die burg ze Haginwile⁴ vnde die zwen ho^eue, die darzů ho^errint, vnde die muli vnde || den wingartin vnde des ammans guot ze Haginwiler, dc des maeiers da was, dc guot an der Egge⁵, de guot ze Ruzziswile⁶ vnde die vogtaei vber du guot vnde sibin phunde geltis vnde aht^b) Schilling in dem houe ze Muola⁷, du wir ze rehtim burglehin habin von dem gotzhuse ze sante Gallin, wider ze kophinne so^ellint gebin vmbe drisig vnde hundert march silbers Costencer gilo^etis lo^etigs silbers, swenn vnser herr abt Wilh. von sante Gallin⁸ alt sin nahkomin vns mit dem selbun silber erman. Vnde de dis staet bilib vnde nieman dawider komin mog noh so^elle, ze aenim vrkunde leg ich V^orich der vor ginampt ritter von Gütingin an miner stat vnde an miner muoter vnde bruoder stat der vorginamtin min ingisigil an dizen brieue. Diz bischah ze sante Gallin, vnde wart dirre brieue gigebin, do man zalt von gottis giburt drucenhundert jar, VIII. idus des mercin, ind. der XIII^a).

Source Fulltext: Chartularium Sangallense V, Nr. 2499, S. 9.