+ + In nomine sancte et individue trinitatis amen + . Ego Kv^onradus dei gratia Constantiensis ecclesie episcopus¹ huius nominis secundus. Aliis omissis unam et precipuam penalitatem peccatis primorum || parentum exigentibus cogitur sustinere humana fragilitas, ut memoria tenaci minime valeat gaudere, unde facta priorum ad noticiam futurorum nequaquam possunt pervenire. Quod periculum antiquiores et prudentiores || viri provide precaventes negotia, que racionabiliter celebrata fuerint, scriptis statuerunt perennari. Innotescat igitur tam presentibus quam post futuris omnibus bone voluntatis hominibus, qualiter quidam nobilis vir Eberhardus || de Mittelo² in pago Turgew^o3 sito predium suum, quod in eadem villa inconcusse possederat, ad mensam fratrum maioris chori Constant(iensis) pro remedio anime sue et parentum suorum donatione legitima contradidit. Qua donatione pro debito celebrata dicti fratres comiti Diethalmo seniori de Togginburck⁴ defensionem predicte terre concorditer commiserunt et servicium, quod pro labore defensionis singulis annis omni remota exactione debebat consequi, videlicet duos modios tritici et IIIIor. modios avene Constantiensis mensure et quinque solidos denariorum eiusdem monete, sibi statuerunt. Decursis vero pluribus annis propter discordiam, que inter ipsum comitem seniorem et Diethalmum filium eius⁵ emerserat⁶, pater filium de castris suis emancipavit et, quod in tali negocio consequens est, prediorum et feodorum porcionem filio contradidit. Tandem sepedictus iunior comes defensionem dicte terre in Mittelô dapiferis suis Diethalmo et Burchardo carnalibus fratribus de Heitenôwe⁷ nomine feodi concessit. Quam persecutionem et violentiam pretaxati fratres Constantienses sibi illatam videntes seniorem comitem, ad quem defensio eiusdem terre pertinuit eô, quod in defensione ipsorum negligens extiterat, in causam traxerunt. Quo viso senior comes nolens habere gewerram adversus filium suum commisse sibi defensioni coram fratribus abrenunciavit. Quo facto iunior comes et supra memorati dapiferi sui prenominatos fratres pretaxate ecclesie in dicta terra magis ac magis molestare minime verebantur. Postmodum litigio diucius agitato idem comes iunior fratribus iusticiam suam recognoscens ius, quod sepedicti fratres de Heitenôwe in predicta terra videbantur habere, de manibus eorum et benigne consentientibus exemit et in chorum Constantiensem veniens curam defensionis eiusdem terre non nomine feodi set nomine commisse defensionis de manu decani fratribus consentientibus publice suscepit, sub tali pactionis forma, ne preter servicium, quod patri suo pro labore defensionis quondam statutum fuerat, manum exactionis extenderet nec etiam commissam sibi defensionem decetero alienaret. Ut autem que prescripta sunt in perpetua teneantur memoria nec perversorum possint attemptari calumpnia, hanc cedulam fecimus conscribi et sigilli nostri robore confirmari. Si quis inposterum hoc negotium tam racionabiliter terminatum in recidivam suscitet contentionem, destruat examen hunc summi iudicis, amen. Acta sunt hec in choro Constantiensi, anno dominice incarnationis M°.CC°.XXI°. anno decemnovenalis cycli VI°, indictione VIIII^a. B. littera annali, C. littera dominicali, epactis XXV^e. concurrentibus IIII^or. secundo klas. febr. presidente sedi apostolice Honorio huius nominis III°. anno apostolatus eius VI°. imperante gloriosissimo Romanorum imperatore Friderico et rege Sicilie anno regni eius VIIII°, imperii vero primo, gubernantibus nobis Constantiensem kathedram anno electionis nostre XIII°. consecrationis vero duodecimo. Testes autem, qui hec audierant et viderant, sunt hii: venerabilis Diethericus abbas Crucelinensis⁸, Heinricus Constantiensis ecclesie maioris prepositus⁹ et regalis aule prothonotarius, Werneherus decanus¹⁰, Waltherus de Ro^etinleim¹, O^vlricus custos², Rv^odegerus de Raetirshouin³, O^vlricus Episcopaliscelle prepositus⁴, Heinricus camerarius⁵, Heinricus de Domo⁶, Livtholdus de Ro^etinleim¹⁷, Heinricus de Raprehswilaer¹⁸, Hilteboldus de Shinvm¹⁹, Burchardus de Kastello²⁰, Heinricus²¹ filius Liuthfridi, Heinricus Figulus²² et Oeteno²³ Constantienses canonici; ministeriales autem Rv^odolfus de Arbona²⁴, Wezelo dapifer²⁵, Kv^onradus pincerna²⁶, Werneherus de Sho^eninberck²⁷, Kv^onradus marscalcus et Baldebrehtus filius eius, Bertholdus de Annewilaer²⁸ et Diethalmus et Burchardus fratres carnales de Heiteno^vwe, burgenses vero Marcwardus causidicus, Hugo de Pivnde, Livtfridus, Waltherus de sancto Gallo et O^vlricus frater eius²⁹, O^vlricus de Shoffe et Chv^onradus frater eius et alii quam plures venerabiles viri tam clerici quam laici. In domino feliciter amen.

Source Fulltext: Chartularium Sangallense III, Nr. 1091, S. 130-132.