H. dei gratia Romanorum rex et semper augustus. Universis imperii fidelibus, quibus hec litere ostense fuerint, || gratiam suam et omne bonum. Recognoscentes grata et preclara obsequia, que dilectus princeps noster C. || venerabilis abbas sancti Galli¹ pluries nobis exhibuit et exhibet incessanter, de plenitudine consili^a) || nostri contulimus ei curiam nostram apud Criesserrun² cum omnibus appendiciis suis, videlicet^b) hominibus agris cultis et incultis pratis pascuis aquis aquarumque decursibus libere tenendam et perpetuo possidendam, mandantes et sub interminatione gratie nostre firmissime precipientes, ut nullus sit, qui dictum principem nostrum in prelibata curia impedire audeat aut dampnum ei vel gravamen aliquod irrogare. Ad cuius etiam facti nostri robur in posterum valiturum presentem ei literam conscribi et sigillo nostro iussimus insigniri. Dat. apud Thiingen³ in castris, XV. kl. septemb. indict. II^a.

Source Fulltext: Chartularium Sangallense III, Nr. 1166, S. 173-174.