[Verita]tis^a) verbis salubriter admonemur, thesaurizate vobi[s]^a) thesauros in celo. Beati ergo, qui ad eterne beatitudinis premia anhelant[es veras divicias amantes terre]na^a) conmutant in celestia et per temporalia, dum || [tempus]^a) est, feliciter mercantur eterna. Notum itaque sit omnibus tam [pre]sentibus^a) quam f[uturi]s^a), quod mortuo Chv^onone milite de Svmerowe¹ in transmarinis [partibus tunc temporis,]^a) quando illustris imperator Fridericus transfretaverat et || Iherosolimam et Sanctam Terram, que multis annis in gentili[um]^a) fuerat potestate, liberavit², Albertus et Heinricus³ milites fratres eiusdem C. non inmemore[s fraterne carita]tis^a) et etiam promissionis, quam apud Lindaugiam⁴ sibi in re||cessu suo fecerant et, ut verum dicamus, iuramento firmaverant, capellam in Mannecelle⁵ contulerunt Augensi ecclesie⁶ pro remedio anime dilecti fr[atris sui. Fuit]^a) enim eadem capella feodum ipsorum a nobili comite Manegoldo de Nellenburc⁷, et idem comes habebat in feodo ab abbate sancti Galli. Quomodo autem et qualiter hec per concambium transmutata et [ord]inata^a) sint, presens scriptum declarabit. Accesserunt itaque predicti milites A. et H. ad abbatem sancti Galli venerabilem Cv^onradum⁸, qui tunc temporis eidem cenobio prefuit, et apud ipsum precibus suis obtinuerunt dari in concambio de prediis suis tantum vel plus Valens cenobio sancti Galli pro capella in Mannecelle. Missi sunt itaque ab ipso abbate et suo capitulo honesti viri Livtoldus decanus⁹, Bvrchardus prepositus¹⁰, Hvgo de Lvpoltes¹¹, Rv^odolfus de Fonenberc¹² milites, qui diligenter considerarent, quid et quantum et ubi esset concambium, quod vellent dare pro predicta capella. Ostensum est enim eis apud Aphelowe¹³ curtis una et una vinea et in eodem confinio apud Gizensteige¹⁴ due curtes, et hoc sub iuramento firmatum est, quod multo plus valeret hoc predium quam capella cum suis attinentiis. Cum ergo supramemorati milites A. et H. de Svmerowe domini regis essent ministeriales et nichil de prediis suis sine consensu regis ecclesie sancti Galli conferre possent, factum est igitur deo ordinante, quod eodem tempore dominus rex Heinricus Constantiam veniret et dominus abbas sancti Galli et sepedicti milites A. et H. de Svmerowe similiter ibi essent. Igitur inter missarum sollempnia in choro Constantiensi, cum multi interessent, dominus rex accepto predio supramemorato a predictis militibus contulit per manus abbatis ecclesie sancti Galli, presente H. prothonotario Constantiensis et Augustensis dyocesum summo preposito¹⁵, E. de Walpurc dapifero¹⁶, C. de Winterstetin pincerna¹⁷, C. de Smalenegge¹⁸, R. et H. fratribus de Arbona¹⁹, R. de Rorscach²⁰, C. de Valchenstein²¹ et multis aliis. Transacto vero non multo post tempore venit dominus abbas sancti Galli apud Lindaugiam et predictus comes M. de Nellenburc ad dominum regem, qui tunc ibi minuerat sanguinem. Venerant etiam sepememorati milites A. et H. illuc, qui audito, quod dominus abbas et comes ibi essent, vocato ad se V^olrico preposito Augensi²² et quibusdam suis fratribus venerunt cum ipso ad presentiam ipsorum et capellam in Mannecelle, quam habebant in feodo a comite, sibi resignaverunt et ipse comes abbati, abbas vero omne iûs, quod habebat ecclesia sancti Galli in capella eadem et suis attinentiis, contulit Augensi ecclesie per manus V^o. prepositi. Predium vero, quod dominus rex apud Constantiam contulerat ecclesie sancti Galli, recepit dominus comes in instanti in feodo a domino abbate et A. et H. milites similiter a domino comite, presentibus hiis: W. plebano de Chireberc²³, W. milite de Alstetten²⁴, H. de Rameswag²⁵, Gozwino de Scowenburc²⁶ et duobus filiis suis, W. de Bvzechouen²⁷, R. de Môse²⁸ et multis aliis. Acta sunt hec anno gratie M°.CC°.XX.IX°. Ut autem hec omnia rata et inconvulsa de cetera tam cenobio sancti Galli quam Augensi permaneant, ego Cv^onradus abbas sancti Galli, per quem et cum quo hec omnia commutata et ordinata sunt, presentem paginam sigilli nostri appensione con[fi]rmo^a).

Source Fulltext: Chartularium Sangallense III, Nr. 1170, S. 175-177.