In nomine sancte et individue trinitatis. Ne gestarum rerum noticia processu temporis evanescat aut pereat, prudentum virorum sollertia solet eam litteris eternare. Cum itaque summum in omnibus rebus bonum sit iusticiam colere et sua cuique iura servare et non solum in subiectos verum etiam in ecclesias nichil quod iniuriosum sit sive presumptuosum fieri, immo diligenter quod equm^a) est custodiri, inde est, quod nos videlicet comes Hartmannus de Kiburch¹ et nepos eius Hartmannus² et Rodolfus advocatus de Rapreswilre³ notum facimus omnibus tam futuris quam presentibus, quod, cum ecclesia Fauariensis⁴ quoddam prediolum in villa Obirinwesin⁵ situm possideret, venerabilis abbas Fauariensis Ludewicus⁶ ad instantiam et petitionem nostram idem prediolum nobis dedit et commutavit. Nos quoque de prediis nostris, que ad nos iure hereditario devenerunt, recompensationem fecimus equipollentem et dedimus eidem ecclesie in bonis ville nostre Nidirinwesin⁷ tam in agris quam in pratis in loco, qui dicitur Vrone Matte, et in alio loco, qui dicitur Insula, medietatem videlicet eiusdem Insule˛. Insuper, ut predicta Fauariensis ecclesia in hac commutatione indempnis esset ex habundanti, non solum ut non teneremur obnoxii peccato in hac parte, verum etiam ut dicta ecclesia communionem orationum suarum quasi ex debito teneretur in perpetuum inpertiri nobis, dicto abbati et ecclesie˛ XVI marcas argenti contulimus et duo domicilia cum edibus in eis consistentibus cum omni libertate ac quiete possidenda in perpetuum, eadem domicilia atque domos et homines in eis habitantes, si nostre iurisditionis^a) non fuerint, ab omni exactionis et inquietationis genere perpetualiter eximentes, excepto quod in munitionibus et vigiliis sorte ad eos perveniente suum prestabunt subsidium. Si vero aliquis hominum nostre iurisditionis^a) in eisdem locatus fuerit, ab eo servitia sicut ab aliis nostris hominibus exigemus. Preterea dictam ecclesiam exemimus in perpetuum a quodam telloneo, quod in transducendis eius victualibus hactenus solvebatur, volentes ut omnia bona sua tam Muro⁸ quam Wesin⁹ et per omnem terram nostre iurisditionis^a) nullo requisito ab eis telloneo libere transvehantur. Ne autem predicte Favariensi ecclesie˛ a nostris successoribus aliqua possit in posterum subori^a) calumpnia, presentem paginam sibi duximus super hiis omnibus sigillis nostris roborandam. Testes huius rei sunt: Hermannus sacerdos Fauariensis, Hugo de Vilingen¹⁰ diaconus Fauariensis, Swicherus plebanus de Vazzis¹¹, Albertus plebanus de Benchin¹², Walterus plebanus de Ovtis¹³, Olricus miles de Wezzinchon¹⁴, Gerungus de Chemjtun¹⁵, Hermannus de Landinberch¹⁶, Walterus de Shalchon¹⁷, Albertus Shorandus¹⁸ miles, Rv^odigerus de Regazio¹⁹ miles, Henricus camerarius, Chonradus de Regazio, Beriwigus et frater eius Rodolfus de Quarto²⁰, Minjgo dictus Chobilare, Petrus de Rapreswilre²¹, Petrus de Clavenna²², Hugo de Stege²³, Rodolfus et Chuono et Rihwinus filius eius et alii multi. Act. Wesin⁹, anno incarnationis M°.CC°.XXX.II. mense aug., V^to kaln. septenbris, indict. V^ta.

Source Fulltext: Chartularium Sangallense III, Nr. 1216, S. 196-197.