Innocentius episcopus servus servorum dei dilecto filio . . abbati Heremitarum¹ Constantiensis diocesis salutem etc. Congruam officii nostri accionem exequimur, si ecclesiarum et monasteriorum, eorum^a) cura et sollicitudo nobis imcumbunt^b), utilitatibus intendentes, ea in bono statu et robore studemus sollicite conservare. Cum igitur per unionem sancti Galli et Renaugensis² monasteriorum utriusque utilitatibus non depereat sed accrescat, et non minus honori et profectui dicti Renaugensis quam ipsius sancti Galli monasteriorum etiam consulatur, nobilitate ac magni nominis fama eiusdem monasterii sancti Galli et dilecti filii ipsius abbatis³ potentia et industria operantibus non modicum ad premissa, de circumspectione tua plenam in domino fiduciam obtinentes mandamus, quatinus, si videris expedire, prefatum Renaugense monasterium auctoritate nostra unias sancti Galli monasterio memorato, con tradictores^c) etc., non obstante, quod venerabili fratri nostro . . episcopo Constantiensi⁴ etc. ut supra in ista littera^d) usque executor. Dat. Lugduni, III. kl. iunii, anno VII°.

Source Fulltext: Chartularium Sangallense III, Nr. 1435, S. 332-333.