Universis Christi fidelibus presentium^a) inspectoribus Rv^odolfus comes de Raprechswile¹ Constantiensis dyocesis in perpetuum. Hominum vita brevis memoria labilis malitia^b) multiplex, personarum de loco ad locum | mutabilitas || deposci quodammodo faciunt et requiri, ut ordinationes hominum, ne labantur cum tempore, sub quo fiunt, per publica scripta provide transmitantur^c) ad noticiam posterorum. Noverint igitur, quos nosse fuerit oportunum, quod, cum | nos dilectas in Christo abbatissam || et sorores de Monte dicto sancte Marie² in parrochia ecclesie Kilchberch³ prope lacum Turicensem^d)4 Cisterciensi ordini cupientes ascribi⁵ auctoritate ac licentia Eberhardi dei gratia Constanciensis^e) episcopi⁶ et honorabilis | viri Rv^odolfi abbatis de Capella⁷ Cisterciensis ordinis, || cui ratione ordinis et obedientia subesse tenentur, in predium nostrum in Wrmespach^f)8, ubi quondam fuit nostra munitio, transduxerimus, duxerimus, posuerimus proborum consilio mediante, nos idem predium Wrmespach^f) cum tribus mansis adiacentibus a termino videlicet, qui dicitur Schornenbv^oel⁹, per limites seu camporum distinctiones, que iuxta villam Wrmespach^f) vulgo^g) dicitur evada, usque in lacum adiacentem, item ab eodem termino Schornenbv^oel iuxta decursum rivi, qui dicitur Marbach^h)10, usque in lacum eundem, et molendinum situm infra rivum Marbach^h)10 cum agris et pratis eidem molendino attinentibus et vineam in Bincenhaltun¹¹ iuxta villam Wrmespach^f) cum silva a superiori parte circumquaque adiacente necnon pratum et agros ab inferiori parte sitos cum omnibus attinenciisⁱ⁾ eorundem tam in terra quam in aqua, tam in bosco^k) quam in plano, tam in montibus quam collibus, videlicet locis cultis incultis, pascuis, inpascuis, compascuis, viis, inviis, silvis, arbustis, frutectis, viridariis, virgultis, aqueductibus, decursibus, libero ingressu et egressu, piscariis, fundis, vadis, ripis, paludibus, stangnis^l), piscationibus, aucupiis, venationibus, compascuitatibus et cum omni iure libertate districtu, quo eadem bona tam nos quam nostri progenitores dinoscimur habuisse, ob nostram et nostrorum parentum salutem et amorem, quem ad ordinem Cisterciensem habemus, eisdem abbatisse et sororibus sibique succedentibus de consensu domine et uxoris nostre Maechthildis^m)12, cui eadem bona in donationem propter nuptias fuerant asignataⁿ⁾, nomine nostro et eiusdem uxoris nostre Maechthildis^m) necnon filii nostri Vincentii¹³ sponte bona fide conferimus, donamus, tradimus, resignamus, sub hoc pacto, ut sepedicte abbatissa et sorores sibique succedentes in prefato loco Wrmespach^f) trino et uni deo et beatissime virgini dei genitrici Marie sub regula beati Benedicti secundum constitutiones Cisterciensis ordinis debeant famulari. Item universis et singulis vasallis, ministerialibus, officialibus, servis et aliis hominibus nostris utriusque sexus presentibus concedimus, permittimus, indulgemus, ut iidem bona, que iure proprietatis vel infeodationis seu advocatie habent, possident, titulo venditionis, donationis, permutationis sepedictis abbatisse et conventui et eorum domui in Wrmespach^f) licite ac libere conferre possint in toto vel in parte, auctoritate nostra heredum seu successorum nostrorum aliquorum deinceps super hoc necessitate iuris vel facti nullatenus requirenda, ipse quoque sorores huiusmodi bona tanquam per manus nostras collata habeant, possideant pacifice et quiete, ordinature, facture super ipsis et de ipsis vendendo, concedendo, permutando, obligando, alienando tanquam propria, secundum quod sibi viderint expedire. Ad maiorem etiam cautelam pro nobis et omnibus heredibus nostris seu successoribus renunciamus omni iuri canonico et civili, constitutioni, consuetudini editis et edendis et omnibus aliis, occasione quorum prenotate ordinationis donatio seu donationis ordinatio retractari posset aliqualiter et cassari. Inmo pro nobis et omnibus nostris heredibus et successoribus fide data in manus predicti abbatis de Capella firmiter promittimus et iuramento personaliter prestito nos et nostros heredes seu successores presentibus inviolabiliter^o) obligamus, quod omnia premissa pleniter attendemus, fidelius observabimus, fidelissime studebimus ampliare. Si vero per nos vel aliquem de nostris heredibus aliquod, quod absit, in contrarium premissorum contingerit attemptari, volumus, concedimus, consentimus, nos et omnes heredes nostros seu successores ad hoc sponte subiciendo et presentibus obligando, ut ordinarius tanquam infames et periuros fidei violatores et iuramenti puniat transgressores et omnium predictorum donatio et ordinatio rata et firma nichilominus habeatur. Omnium etiam premissorum ordinatio, donatio, resignatio per nos et prefatam Maechthildim^m) uxorem nostram comitissam prima vice facta est et publicata in loco supradicto, qui dicitur Wrmespach^f), IIII°. idus octobris, presentibus quorum nomina sunt hec: Otho et Wescho fratres Minores¹⁴, Bvrchardus^p) monachus de Wetingin¹⁵, Chv^onradvs^q) monachus de Capella sacerdotes, Otho deccanus^r) de Kilchberch³, Arnoldvs^s) capellanus de Raprechswile^t)16, Egelolfus capellanus de Wrmespach^f) sacerdotes, Hvgo Bochlinus canonicus Turicensis^d)17, Rv^odolfus de Tvrri^u)18, Rv^odolfvs de Lvnchvft¹⁹ scultetus Tvricensis^v), Heinricus dictus Brvno^w)20, Heinricus ab Ebenoten^x)21 milites, Wernherus dictus Helt²², Heinricus^y) scultetus de Raprechswile^t)23, V^olricvs^z) minister de Raprechswile^t), Berchtoldvs^aa) dictus Sto^vri et V^olricus filius eius²⁴ et alii quam plures, secunda vice auctoritate nostra et Maechthildis^m) supradicte uxoris nostre per filium nostrum Vincentium^ab), quem propter annos inpuberes habemus in tutela, facta est in Castro Raprechswile^t), in die sancti Martini, presentibus quorum nomina sunt hec: Rv^odolfus^ac) abbas de Capella, Walthervs monachus eius, Bvrchardus^p) monachus de Wetingin, Arnoldus capellanus de Raprechswile^t), Heinricus ab Ebenoten, Albertus de Vrinchon²⁵ milites, Arnoldvs de Ebenoten^x)26, Heinricus camerarius, Arnoldvs Scharfenstein, Berchtoldvs^aa) Bossinchon²⁷, V^olricus minister de Raprechswile^t) et alii quam plures fide digni. Ut autem premissa debitum robur firmitatis obtineant, sepedictis abbatisse et sororibus et eorundem ordini et domui Wrmespach^f) presens instrumentum tradimus sigillis Eberhardi dei gratia Constanciensis^e) episcopi et^ad) reverendi in Christo Berchtoldi abbatis sancti Galli^ad)28 venerabilis domini^ae) Anshelmi abbatis Heremitarum²⁹ et honorabilis^af) viri comitis Rv^odolfi^ag) de Habesbvrch^ah)30 et^ai) Lvtoldi nobilis viri de Regensberch^ai)31 et nostro patenter communitum. Dat. in Castro nostro Raprechswile^t), Alexandro IIII°. Romanam gubernante ecclesiam, imperio post mortem Willehelmi^ak)32 vacante, anno domini M°.CC°.L°.IX°. septimo idus decembris.

Source Fulltext: Chartularium Sangallense III, Nr. 1619, S. 447-449.