In dem namen der hailigen vnnd vntzertailbaren dryfaltigkait. Ich V^olrich abbt des gotzhus sannt Johanns im Thurtail¹ allen gegenwurtigen vnnd kunftigen, so disen brief werdend ansehen, hail in dem, der ain hail ist aller dingen, vnnd wissenhait geschechner sach. Es so^ellend wissen alle die, denen es zu^o wissen not ist, das Ru^odolff von Ramsberg² vnnd Berchtold sin bru^oder maister Geringers seligen so^ene verwendt habend ir zinsgu^ot, so sy gehept habend zu Entzenberg³, das man nempt an den Geren⁴, sannt Johannsen. Wir hinwider verlihen habend ze lehen denselben Ru^odolffen vnnd Berchtolden von Ramsberg vnnd iren erben, das^a) so man nempt Langholtz⁵, mit aller lehengerechtigkait, doch also, das sy oder ir erben jerlich vnnserm gotzhus vßrichtend vier viertail kernen vff sannt Anndres tag. Es ist och dartzu^o angehenckt, ob sach wer, das deren gebru^eder oder iren erben ainer vsß diser zit schiede, das ire erben so^elich lehen empfahind von ainem abbt, der denntzemal ist, vnnd demselben ain viertail wyns ze erschatz^b) gebend. Geschehen sind dise ding zu^o Peterszell⁶ anno domini M CC LX. an dem III tag brachmonats, der III. indition. Darby sind gewesen die nachbenempten Wernher custer⁷, Burckhart lutprie[ster]^c)8, Rudolf lutpriester zu Kalcheren⁹, Berchtold der keller genannt Keiser, Albrecht genannt Prop[. . .]^c)10, maister Ru^odolff von Ramsperg vnnd aber Ru^odolff von Ramsperg vnnd maister Conrat von Birnow¹¹ genannt Gumberg an dem Geren, Diethelm genant Steck¹² vnnd sunst vil mer^d).

Source Fulltext: Chartularium Sangallense III, Nr. 1633, S. 462-463.