In nomine sancte et individue trinitatis. Ego Agnes priorissa totusque conventus in Monasteriolo¹ V^olrico dicto Shvrlizare² civi sancti Galli et magistro hospitalis sancti spiritus apud sanctum Gallum³ et fratri Bertoldo et omnibus aliis eiusdem hospitalis procuratoribus ac fratribus simulque universitati fidelium in Christo, ad quorum presentiam presens scriptum pervenerit, cum karitate sincera in omnium salvatore salutem. Noveritis quod nos ad peticionem nostri dilecti videlicet Cv^onradi cellerarii de Horne⁴ bona voluntate et unanimi consensu indulsimus atque permisimus, quod ipse agrum quendam situm in Gettinberg⁵ iuxta Gumanswillar⁶, quem a nobis et a nostro monasterio cum quibusdam aliis bonis suis pro annuo censu dinoscebatur habere, supradicto hospitali, prout cum eius procuratoribus convenerat, assignavit, hoc etiam insuper apud nos procurando, quod nos ipsum agrum eidem contulimus hospitali. Quia vero ob indempnitatem nostri monasterii semper et ubique in quantum possumus cavere nos expedit, ne unde aliis proficimus inde in nobis ipsis deficiamus, sic super hoc facto disposuimus seu ordinavimus, quod idem Cv^onradus cellerarius emit quendam agrum situm in Leima⁷ iuxta Nidrenberge⁸ et quod eundem agrum nostro monasterio censualem pro concambio et recompensatione predicti agri siti in Gettinberg donavit, ut particula censuum predictorum ab ipso agro sumatur decetero^a), que hactenus de agro in Gettinberg sumebatur, per quod census, qui nobis hactenus a bonis iamdicti cellerarii debite currebant, dehinc etiam ad usus nostros integri ex toto permaneant. Ut autem huiusmodi factum firmum seu inconvulsum permaneat, presentem cartam desuper scriptam nostro sigillo fecimus roborari. Dat. Monasteriolo, anno domini M°.CC°.LX°.II°. indict. V^e. XVII. kl. octobris.

Source Fulltext: Chartularium Sangallense III, Nr. 1691, S. 500-501.