In nomine sanctae et individuae trinitatis. Notum sit omnibus presentibus atque futuris Christi fidelibus, qualiter Vvillihelmvs || Argentinae¹ civitatis episcopus regia generositate procreatus nec non omnium virtutum stemmate laudabitera) exornatus || in villa Burcheim² dicta adiuvante divina gratia consecravit aecclesiam in honore dei sanctissime˛que genitricis suae Mariae et in com||memoratione sancti Petri principis apostolorum et omnium sanctorum peticione solo nomine archiepiscopi Berihtolti³ aliorumque per totam provinciam convenientium late fidelium atque ad matrem aecclesiarum dedicavit. Hanc autem cum manu advocati sui videlicet Herimanni⁴ confirmavit omni iure suo scilicet vineis, agris, mancipiis omnibusque dotalibus rebus, praedicto episcopo Vvillihelmo presente atque confirmante, audientibus capellanis suis Azone camerario⁴ et Dezimanno decano⁴ Berinhardo atque Ozone^b) Hartmanno Notkero Vualtcvonone, conprovinciales autem asstabant presbiteri Rihkouuo Vuichart Zeizolf Knammo Vocco Amezo Eppo Adelpreht Hazo Rihcolf Adelbreht Azzo Sigebolt Vuodelhart Hizeman Bezili Trudman Lanzeli Herzoliupli Engizo Keppo Vuazeli Knammeli Reginpolt Vuolcuin^c) Kiselhere. Omnem autem decimationem huic aecclesiae ab antiquis patribus institutam stabilivit et addidit Cvobach⁵ Diezen⁶ parte sua, excepta ea decimatione, quam suus antecessor Erchenbaldus^d)7 de Tundelingen⁸ hinc abstulit sine generali concilio. Ipse tamen in presentia omnium asstantium palam professus est iniuste hinc ablatam et hoc vidisse in aspectu sui antecessoris Vverinharii⁹ (et iudicatum fu)issee) et sub aspectu omnium confirmavit vita comitante in proximo suo generali concilio redditurum fuisse. Huic rei interfuerunt optimates laici Kozzo Pucco Cuono Vozo Vocco Mahtfret^d) Suidker Adelbreht Ebezo Kozman Emicho Bezeli Bodel Dietpolt, cum aliis conprovincialibus Diezeli Adelbero Fru^ondeli Rv^ozeli Liutold Emhart Sizo Kerold Hereuuart Druteli Cv^ono Gotepreht Azzo Hizo Gnammo. Omnia^f) ista perpetrata sunt VIII. kl. aug. id est in festivitate sancti Iacobi apostoli fratris Iohannis et sancti Cristofori mar(tyris), regnante Cvonrado XII. anno, ab incarnatione domini MXXXV. indictione III. Hae sunt reliquie˛, que˛ in isto altari continentur. De ligno sanctae crucis, de sepulchro domini, de presepe domini, de sudario Lazari, de vestimento sancti Ioh. Baptistae atque Evangelistae, de sanguine s. Petri et Pauli, s. Iacobi apostoli, Stephani prothomart(yris), s. Laurentii, Georgii m(artyris), Pancratii, Sebastiani, Fabiani, Agapiti, Mauricii, Martini, Vodalrici, Adelfi, Galli, Magni, Otmari, sanctarum virginum Agathe˛, Agne˛, Margarete˛.

Source Fulltext: Chartularium Sangallense III, Nr. 877, S. 5-6.