Item. Es ist ain instrumennt gemacht vnd abgeinstrumenntiert, do man zalt MCXXXIIII des monets mertz, darinn statt, das ain apt von Sant Gallenn hat gehaissen Warnerius¹ fur sich vnd sinen conuent, die och mit iren namen alle in dem instrumennt gestimpt^a) sind, gegeben hab Guidoni Ottonis son, den man nempt Vicecomes² von Meiland, im vnd sinen kinden mann vnd wibes geschlechte oder wem es von im mit namen gegeben wurde, alle die gu^etter, die in dem hof Massin³ gelegen sind vnd wo si sust ligend vnd darzu^o geho^erend in dem gantzen Lamparten⁴ vberal, mit allen nutzen bruchen eren vnd anhengen mit zwingen vnd bennen diensten lutten gu^ettern aigens vnd lechens mit vischentze[nn]^b) kirchen vnd das zu^o der kirchen geho^ert, doch mit so^ettlichem gedinge, das der selb Gwido vnd sine erben vnd nachkomen zu^o ainem ewigen zins in erblechens wyß die ding haben so^ellend vnd dem gotzhus zu^o sant Gallen alle jar vff vnser lieben frowen himelfart anderhalb march silber zwo^elf pfund pfeffers zwo^elf pfund wierroch vnd vier sester bomo^els des meß in Massin hundert glesiner ampellen, die sol der selbig her Guiden schicken by sinem machtbottenn gen Disitis in dz closter Disetis⁵, des selben aptz botten so^ellen den zins schicken mit sampt dem botten Gwidonis in das gotzhus sant Gallenn, anders sol inen nit vfgelait werdenn. Vnd wenn aber das nit gehalten wurde, sol der selbig Gwido oder sin erben oder ain apt zu^o sant Gallenn inen, wo er das nit halten wo^elte, tusent march silber. Vmb des willen, das diser vertrag gevestnot sye, so hat der selbig Gwido bezalt dem apt von sant Gallenn sybentzig march silber. Vnd ist geschechen dis vberkomnuß ze Kla^efen⁶, da vil edler lut tutsch vnd weltsch gewesen sind, die all in der selben verinstrumentierunng mit namen beschriben sind. Vnd ist das instrumennt also bezaichnet bb. En coppi ist och daselb bb.

Source Fulltext: Chartularium Sangallense III, Nr. 896, S. 15-16.