Noverint universi, quod, cum discordia esset inter illustrem virum R. comitem de Habisburc¹ lantgrauium Alsatie² et illustrem dominam || Margaretam comitissam de Kiburc³ super eis, que iure^b) nuptialis donationis et iure proprietatum ad se dicta domina dicebat pertinere, || tandem mediantibus viris honorabilibus videlicet domino Fr. filio comitis de Phirreto⁴, Wal. de Clingin⁵ nobili viro, H. de Clinginberc II preposito sancti Stephani in Constantia⁶, C. de Tufin⁷, domino Hug. de Palasuel⁸ et magistro Wer. canonico Beronensi⁹ dicta discordia taliter est sopita, quod dictus comes R. promittit per iuramentum assignare dicte comitisse ducentas et quinquaginta marcas argenti annuatim percipiendas ab eadem et reditus omnes feodorum, que dicta domina tenet in feodum a reverendis dominis dei gratia E. Constantiensi episcopo¹⁰ et B. abbate sancti Galli¹¹ que integraliter dicta comitissa habeat et percipiat tot^c) tempore vite sue. Pro Ulis autem ducentis et quinquaginta marcis annuatim percipiendis, ut supradictum est, supradictus comes R. supradicte comitisse concedit et assignat castra Baden¹², Morsperc¹³ et Moseburc¹⁴ cum iurisdictione, hominibus, reditibus, cursibus aquarum, nemoribus, pascuis, terris cultis et incultis et omnibus iuribus et pertinentiis dictorum castrorum, ita quod dicta castra cum suis pertinentiis, de quibus proximo facta est mentio, habeat pro valore legittimo, quem hodie valent, residuum vero dictarum ducentarum et quinquaginta marcarum, quod in predictis castris et pertinentiis percipi non posset, concedit idem comes percipiendum in rebus comitatus de Kiburc¹⁵ proximioribus dictis castris et circa Wintirtur¹⁶. Concedit insuper dictus comes R. dicte comitisse, quod de rebus ad dictam comitissam pertinentibus ratione proprietatis, ubicumque sint, possit testari et transmittere ad heredes suos etiam sine testamento. Reliqua vero supradicta post decessum dicte comitisse ad dictum comitem R. et suos heredes revertantur. Item actum est, quod, quantum de proprietatibus dicte comitisse situm est vel continetur infra castra supradicta vel mandamenta^d) eorundem vel alibi, deducere possit dicta comitissa et salvum sit ei et precipuum, ultra ea, que sunt vel erunt sibi assignata ratione copositionis^e) huiusmodi. Qua deductione facta, quidquid deerit de dictis ducentis et quinquaginta marcis, debet ad dictum et arbitrium virorum venerabilium domini E. Constantiensis episcopi et Ber. abbatis sancti Galli, H. prepositi sancti Stephani in Constantia, W. de Clingin et C. de Tufen nobilium ordinari. Propter hec autem^f) dictus comes per iuramentum promittit dicte comitisse, quod eam defensabit, custodiet et manutenebit tam in persona quam in rebus et possessionibus^g) et contra omnem adversantem dicte comitisse se opponet totis viribus. Promittit insuper eidem comitisse, quod eandem pacietur utifrui dictis rebus pacifice et quiete et de suis proprietatibus testari et ordinare pro sue arbitrio voluntatis. Promittunt nichilominus venerabiles domini E. dei gratia Constantiensis episcopus et Ber. abbas sancti Galli eidem comitisse fide data, ad requisitionem dicti comitis R. eandem comitissam custodire et conservare et defensare contra omnes tam in persona quam in rebus et possessionibus^g). Propter que dicta comitissa quitat dictum comitem de omibus^e) querelis et calumpniis, quas habebat seu habere poterat contra comitem R. supradictum, et promittit eidem comiti, quod eidem vel suis de dictis castris rebus et proprietatibus nulluni dampnum procurabit fieri aut^h) consentiet facere cupienti. Renunciant autem dicte partes per iuramentum in hoc facto ex certa scientia actioni et exceptioni doli metus et infactum et omni auxilio et beneficio tam iuriⁱ⁾ canonicis^k) quam civilis et consuetudi^l), quod sibi ad veniendum contra predicta vel aliquod predictorum posset competere modo aliquo vel prodesse. Nos vero predicti comes R. et Margareta comitissa, E. Constantiensis episcopus, Ber. abbas sancti Galli confitentes premissa omnia et singula esse vera, necnon nos comes P. Sabaudie¹⁷, qui omnibus predictis interfuimus, sigilla nostra presentibus litteris apposuimus in testimonium veritatis. Nos vero Ph. comes Burgundie¹⁸, qui similiter cum predictis interfuimus, quia proprium sigillum non habemus, sigillo dicto domini P. comitis Sabaudie fratris nostri karissimi usi sumus. Testes dominus Fr. de Phirreto, comes Hug. Montisfortis¹⁹, dominus Hug. de Palasuel, magister W. de Burgo canonicus Lausanensis^m)20 et alii quamplures. Actum et datum prope Muratum²¹ in loco, qui dicitur Loenber²², in festo nativitatis beate virginis Marie, anno domini M°.CC°.LX°VII°.

Source Fulltext: Chartularium Sangallense IV, Nr. 1787, S. 18-20.