In nomine domini amen. Presidentibus nobis in ambitu monasterii sancti Galli R. custode¹ eiusdem monasterii subdelegato venerabilis domini Ber. dei || gratia abbatis sancti Galli² et R. de Grv^eninberg preposito per Burgundiam³ subdelegato a . . preposito Werdensis ecclesie⁴ apostolice sedis delegatis || et C. de Wassirstelz canonico Argentinensi⁵ apostolice sedis delegato, anno domini M°.CC°.LX.VIII°. feria sexta post octavam epiphanie continuata || a feria secunda proxima precedente, die prefixa in causa appellationis, que vertitur inter honorandos dominos . . prepositum et capitulum ecclesie Turicensis⁶ ex una et H. prebendarium de Kvssinah⁷ ex parte altera ad probandum quasdam exceptiones ex parte ipsius prebendarii propositas, scilicet appellationem nullam fuisse et ob hoc autenticum nullum et sie nobis ex eo nullam competere iurisdictionem, proposuerat etiam sententias latas ab . . abbate de Sehvtera⁸, iudice a quo extitit appellatum, in rem transisse iudicatam, adiciendo ipsum appellationi vel appellationibus a se factis non detulisse, partibus in nostra presentia constitutis per procuratores sufficienter instruetos dictum fuit procuratori^a) ipsius sacerdotis videlicet prebendarii, ut probaret ea, ad que probanda se dictus prebendarius sacerdos astrinxerat, qui procurator omnia acta prioris iudicii et suorum subdelegatorum cum quibusdam rationibus, per que vel per quas volebat intentionem suam fundare, per modum probationis in medium produxit. Requisitus, si aliis vellet uti probationibus super premissis, respondit, quod non. Nos receptis instrumentis et rationibus et cum magna diligentia examinatis et facta collatione date ad datam non invenimus aliquas sententias latas ab . . abbate de Scutera in rem transisse iudicatam, a quibus esset appellatum vel appellandum, sed invenimus appellatum pluries a gravaminibus, quibus appellationibus delatum fuit per eundem abbatem, et hoc ostendit procurator prepositi et capituli supradicti per instrumentum publicum sigillo . . dicti abbatis communitum. Invenimus etiam in actis appellationem a procuratore . . prepositi et capituli factam prius fuisse super gravaminibus per ipsum abbaten de Scutera illatis, antequam causam abdicando a se iurisdictionem suam in totum . . abbati de Etinheinmvnster⁹ subdelegasset, cuius contrarium procurator dicti prebendarii sacerdotis exhibitis rationibus videbatur ostendere, et sic habita diligenti consideratione invenimus intentionem dicti procuratoris minime probatam fuisse. Quare receptis probationibus partis adverse et diligenter examinatis, quia nobis constitit tam per testes quam per instrumenta, procuratorem sepefati prepositi et capituli intentionem suam super appellatione facta plenius fundasse, nos auditis hincinde propositis deliberato consilio, cum procurator ipsius sacerdotis in suis defecerit probationibus, ipsam appellationem rite ac legitime factam in scriptis sententialiter pronunciamus, revocantes irritum et inane, quiequid post huiusmodi appellationem emissam per ipsum abbatem de Scutera iudicem, ut dicitur, vel per . . abbatem de Ethinheinmvnster ab eo subdelegatum factum fuerit vel sententiatum. Dat. et act. anno, die et loco prenotatis, presentibus quorum hec sunt nomina, magister Chv^ono quondam offic(ialis), Walth. sacerdos dictus Lesti¹⁰, Johannes doctor puerorum¹¹ in sancto Gallo, Ebirh. clericus dictus de Dvrhein¹² et Heinricus clericus dictus Bvman et alii quam plures fidedigni.

Source Fulltext: Chartularium Sangallense IV, Nr. 1797, S. 27-28.