In^a) nomine domini amen. Future litis actioni et dolis renunciatur, cum acta res memorie litterarum || commendatur. Proinde nos Wl. et C. fratres de Marcdorf¹ ad noticiam omnium huius etatis || et successure posteritatis duximus perferendum, quod curiam in Lienbach² sitam, quam || chelhof usitato nomine vocant, senior Harrer, qui nobis iure proprietatis attinet, iusto emptionis tytulo a Cůnrado^c) milite de Ebersberc³ pro sedecim marcis argenti cum nostra permissione et consensu comparavit, provide sibi cupiens cavere, quod disparitas conditionis inter supradictum militem et se ipsum aliquas exceptiones contra ius possidendi generaret, memoratus miles venerabili Ber. abbati sancti Galli⁴, sicut promiserat, resignavit et nobis feodali conferri iure procuravit. Nos vero fidelitatem suam et servicii onus nobis exhibiti et exhibendi attendentes ipsi sepedicto Harrario contulimus, et eo petente, ne quisquam de suis liberis exhereditaretur, cum diem clauserit extremum, masculis et feminis equa sorte ipsum feodum sepius nominatum in comumuni^b) annuimus possidendum. Huius autem beneficium concessionis ne quis sub simulande oblivionis mendatio attemptet violare, presencium caucionem pluries dicto dedimus nostro sigillo munitam ad securitatem. Acta sunt hec in hac nostra villa Marchdorf presentibus omnibus civibus honestioribus, anno domini millesimo CC. sexagesimo nono, indictione XII.

Source Fulltext: Chartularium Sangallense IV, Nr. 1840, S. 52.