Universis Christi fidelibus presentem paginam inspecturis E. humilis abbatissa totusque conventus monasterii de || Paradyso¹ Constantiensis dyocesis noticiam subscriptorum. Conservatur res gesta facilius in suo robore, si scripti me||morie commendatur. Noverint igitur, quos nosse fuerit opportunum, quod nos de unanimi consilio et consensu || domum nostram lapideam et aream sitam in Turego in loco, qui dicitur Vfendorf², quam V^oI. quondam dictus Rethih civis Turicensis a monasterio Turicensi³ iure hereditario possidebat, de qua etiam domo et area predicto monasterio duo denarii singulis annis persolvuntur, cum quadam superficie eidem domo et area contiguam sitam^a) in fundo seu area honorabilium in Christo . . abbatisse et conventus monasterii in Seldino⁴ reverendis in Christo . . abbatisse et conventui monasterii in Wurmispah⁵ ordinis Cysterciensis vendidimus pro novem marcis argenti ponderis Turicensis, quas nos recepisse et in usum ecclesie nostre conversas presentibus confitemur, renunciantes presentibus et resignantes dictam domum in manus venerabilis in Christo . . dei gratia abbatisse Turicensis⁶, ad cuius monasterium dicta domus pertinet eo iure, quod vulgo erbe appellatur, ea condicione, ut dictis abbatisse et conventui de Wurmispah eandem domum tradere debeat et liberaliter assignare. Renunciamus igitur omni iuri tam canonico quam civili constitutioni edite vel edende restitutioni in integrum iure minoris seu quacumque alia exceptione^b) nobis aut nostris successoribus in prefatis area domo et superficie competenti, per quam donatio huiusmodi in posterum posset inpediri aut etiam irritari. Et ut hec venditio bona fide et utiliter partibus nunc contracta nullo unquam possit tempore retractari vel aliqualiter infringi, predictis . . abbatisse et conventui de Wurmispah hanc cartam tradimus sigillis reverendi domini H. prepositi Turicensis⁷ et nostro videlicet abbatisse de Paradyso, quo et nos eiusdem monasterii conventus utimur, munimine consignitam^a). Testes, qui hiis interfuerunt, sunt: H. prepositus Turicensis, H. dyaconus rector ecclesie in Sentinhart⁸, Jo. rector ecclesie in Swenningen⁹, Jo. dyaconus dictus Abdorf, frater H. de Velt . . .^c)10 procurator nostri monasterii, Jo. de Basilea¹¹ L. Fvschi et C. pellifex dictus Abdorf et alii quam plures. Acta sunt hec anno domini M°.CC°.LXX. VIII. idus febr. indict. XIII^a.

Source Fulltext: Chartularium Sangallense IV, Nr. 1851, S. 61-62.