Universis presens scriptum intuentibus Willemus^a) de Tokenburch canonicus Basiliensis¹ noticiam subscriptorum. Ab humana cicius elabuntur memoria, || que nec scripto nec voce testium perennantur. Noverint igitur presentium inspectores, quod orta lite inter me ex una et commendatorem et fratres sancti Johannis Jerosolimitani || domus in Tobein² ex parte altera super iure patronatus et advocatie ecclesie in Affoltrangen³ seu curti eidem ecclesie adiacenti amicabiliter prorsus est sopita || coram venerabili fratre H. de Bochsperc⁴ summo preceptori fratrum hospitalis sancti Johannis in tota Alamania videlicet in hunc modum, quod ego Will. predictos fratres in possessionem memorate ecclesie restitui promittens bona fide sine dolo et perpera^b) prestito iuramento manuali, quod in predicta ecclesia et rebus eiusdem seu aliis possessionibus eorundem nec non tocius ordinis usque ad hanc diem in notoria prescriptione habitis et possessis intus et foris in nullo debeam aliquatinus perturbare seu molestare sive per modum spolii vel per modum commutationis supradicte ecclesie sive aliqua iactura nisi iusta actione et debita causa proposita et rigore iuris observato. Et ne super premissis in posterum valeat suboriri materia questionis, presens scriptum predictis commendatori et fratribus contuli sigillorum venerabilis patris et domini mei Constantiensis electi⁵ et mei robore communitas^c). Acta sunt hec apud Bv^obinkon⁶, presentibus honorabilibus viris Arnoldo decano in Raprechswile⁷, fratre H. commendatore in Tobel⁸ et F. de Stopheln⁹ et H. de Hermotsheim¹⁰ commendatoribus in Bv^obinkon et in Honrein¹⁰, Rv^odolfo priori in Bv^obinko, H. de Adorf¹¹ et Burch. de Vriesenberc¹² sacerdotibus in Bv^obinkon, R. milite de Glatburch¹³, Livtoldo milite dicto Omo¹⁴, Wezzel milite de Strutholz¹⁵ et aliis quampluribus, anno domini M°.CC°.LXX°V°. indict. V^a. XVII. kl. april.

Source Fulltext: Chartularium Sangallense IV, Nr. 1946, S. 122-123.