Iud(ices) Constantiensis ecclesie omnibus hanc paginam inspecturis rei geste noticiam cum salute. Ne lites sopi||te per iusticiam iterum refricentur, literarum debent serie perhennari. Eapropter presentes noverint et futuri, quod || cum ven(erabilis) in Christo . . abbas et conventus de Salem¹ nobilem virum Hainr. de Gvtting(en)² in causam || traxissent coram nobis super eo, quod ipsos contra iusticiam occasione cuiusdam questionis, quam ipsis moverat de proprietate hominum subscriptorum, videlicet Cv^onr. dicti Hâvin et Adilh. sororis sue, necnon Cv^onr. Hainr. et Gerdrud(is) liberorum Berhte de Altino^vwe³ et etiam iamdicte Berhte, quos asserebat illucusque a reverendo . . abbate sancti Galli pheodali titulo possedisse, in possessionibus suis Altino^vwe, que monasterio de Salem noscuntur proprietatis titulo pertinere, graviter dampnificaverit, et in multis dicentes iidem de Salem et ostendentes per instrumenta⁴ super donatione et concambio dictoram hominum a dicto abbate sancti Galli necnon memorato H. de Gvtting(en) suisque progenitoribus collata monasterio prenotato, sepedictum H. nichil iuris habere in hominibus prelibatis. Tandem, cum in dicta causa foret diutius litigatum, constitutis coram nobis procuratoribus monasterii antedicti et sepedicto H., idem nobilis H. reversus ad cor protestabatur publice non coactus sed inductus rationabiliter per ius, quod clare cognovit habere dictum monasterium in hominibus supradictis, se nichil iuris habere in omni^a) actione, quam ratione dictorum hominum moverat monasterio supradicto. Et ad superhabundantem cautelam, volens ut iustum erat cavere ipsi monasterio in futurum, ad manus nostras necnon abbatis monasterii sepedicti resignavit et renuntiavit omni iuri, quod sibi in dictis hominibus competebat vel competere videbatur, casu quolibet contingente, renuntians etiam omnibus actionibus et iuribus, que occasione predictorum seu quacumque de causa tacita vel expressa eidem H. similiter competebat^b) vel competere videbatur^b). Acta sunt hec in Constantia coram nobis anno domini M°CCLXXV°. idus febr., subnotatis testibus presentibus et rogatis, videlicet Walk. deccano⁵, Rv^od. de Svlzzberc⁶, Rv^operto de Tannivelz⁷, Hainr. de Wigoltting(en)⁸, Walt. dicto Lesti⁹, magistro H. Kv^ochilino canonicis, magistro H. de Herboldishain¹⁰ et notario episcopi, de fratribus vero de Salem H. priore, Ber. de Vlma¹¹, Eber. de Stekkboron¹² et fratre Nykolao monachis aliisque quampluribus probis viris. In cuius facti evidentiam et robur^c) perpetue firmitatis presentem cedulam exinde conscriptam et sigillo nostro cum sigillo sepedicti nobilis H. communitam monasterio de Salem duximus porrigendam. Ego Hainr. de Gvtting(en) predicta omnia, prout premissa sunt, profiteor esse vera et per me facta, hanc litteram sigillo meo cum sigillo iudicum Constantiensis ecclesie pro testimonio predictorum omnium duxi roborando.

Source Fulltext: Chartularium Sangallense IV, Nr. 1943, S. 120.