In gotes namen amen. Wir Friderich der graue von Toggenburch¹ vnd Diethalm sines broder selgen sun grauen Kraftes² kunde[n all]en^a), die nu sint alde noch sont werden geporen, die disen brief horrent lesen, do wir umbe alles dc gv^ot, so an disem briefe ge[.. .]^b) dez bunden willeclich vnd vnbetwngenlich, [als]^a) wir saze heten ze svne, vns dar umme schiedin Will. von Toggenburch³ mins [Frid]eriches^a) des vorgenemmeten bruder vnd unser o^ehaim her V^olrich von Regenspurch⁴, die schieden vns, alse hie gescriben ist, mit [. . .]^b) willen. Bi dem erstem, so uergehen wir, de [vns die]^a) schaitliutte, die da vor genemmet sint, also schieden, vnd vergehen bede^c) an disem [brie]ve^a), dc ich Friderich gib vnd han willeclich geben Diethalm minem veteren die burch ze Haitenowe⁵ vnd vergihe, dc ich der sin we[. . .]n^b) allen stetten, da er sin bedarf. Da zů han ich im gege suben marche geltes bi der burch, vnd swa ich im de gelt bi der burc[h nit]^a) verrichten mag, so sol ich ims verrichten anderswa, alse mich herre Cv^onrat von [M]unchwille^d)6, her Hainrich von Wilden[rain⁷ vnd Cv^o]nrat^b) der Mocheler haisent. Ich gip ovch der kilchen saz ze Merwiler⁸ vnd ze Tuffenbrunnen⁹. Ich gip ovch alle die lute, die vnderun[. . .]em^a), Gunzenbach¹⁰ sizzen, de geburlivte s[int]^a), die sin^e) brv^oder Friderich¹¹ mir gap. Da wider vergih ich Diethalm, dc ich Friderich m[inem veter]en^b), der da uor genemmet ist, han gegen Toggenburch¹², Rudenberch¹³ vnd Liehtunstaige¹⁴ mit allem rehte, mit aller ehahti^f) an min [eige]n^a), lehen vnd min edelen liute. Ich gip ovch alles dc gůt vnd alle die liute, die oberunt dem Gunzenbach sizzent vnd der kirchen [. . .]^b) Magolfesperc¹⁵, Liutinspurch¹⁶ vnd ze Vzenach¹⁷. Des gůtes sol ovch ich sin wer sin an allen steten, da er sin bedarf, vnd sol im vf mit eigenne, mit lehenne vnd mit anderm dinge tůn, swes er dar zv^o bedarf. Swc ovch Willehelm von Toggenburch, mines Friderich [. . .]es^b) Dieth. můter¹⁸ des gůtes aide der liute haint, swenne siv^e beidiv aide einweders sich da von tůt aide lebende schaidet, dc son wir gemainlich tailen. Ich Diethalm vergih ovch, wil ich die burch ze Haitenowe verkoufen, dc ich die sol Friderich minem veter [. . .]^b) vor gescriben ist vnd genemmet geben viur sehzech marche lothiges silbers nach Kostenzaere gelothe. Die siben marke geltes, die mir min^g) veterre zv^o der burch gap ze Haitenowe, vnd die liute wil ich verkoufen, die sol ich gen im, alse mich der von Wildenrain [vnd Moche]ler^b) haisent, dc dise stete belibe, da verzihen wir vns beide alles schirmes, aller hilfe, aller clage an gaislichem vnd an weltlichem gerihte vnd ovch aller der brieve von Rome vnd Magenze, von Kostenze¹⁹, von kaisern, von kunge aide swannan wir si erwer[. . .]^b) vnd aller gesezete, gescribens rehtes, gewonhait alder kunfteger gesezede, diu nu geschehen ist aide geschehen sol von gaislichem alde von weltlichem gerihte, von steten alde swannan es geschehen mohte, mit den alde mit dem, dc da vor gesc[. . .]^b) an allem alde an kainem sinem taile wider tůn mohte werden. Da zv^o han wir gesworen beide willecliche vffen den hailigen, dc wir staete son han, swc hie vor gescriben ist, vnd swedere dem anderm ivt tůt, dc dem anderm schade wa^ere, [. . .]^b) an disem brieve, dc er ist mainaide, elos vnd rehtelos, vnd binden uns, dc unser herre, der ze Kostenze ze ainem bischoffe ist gewelt, vnd sin nachkome, ob er enist, an allen furzoch, an alle furladunge ze hanne sol tůn, swenne es d[. . .]an^b) dem, dc da vor gescriben ist, an ainem taile alde gar zerbrochen wirt. Swer ovch der ziuge, die hie nach gescriben sint, nit ain vol fri man ist, da ziehen wir vns an disem dinge von vnserm rehte vnd geben in dc rech, de si [. . .]^b) vber vns mugen sin geziuge. Die geziuge, die har an waren, dc ist Willehelm von Toggenburch der vor ge[nemme]te^a), her Liutolt vnd her V^olrich von Regensperch²⁰ vnser o^ehaim, her Eberhart der truhsaze von Michelnse²¹, her [. . .]^b) der alte von Stainimure²², her Hainrich von Wildenrain, her Cv^onrat uon Munechwiler, Siurit von dem Tor²³, Arnolt von Wildenrain²⁴, der Stulseze von Warte²⁵, Hainrich Volchi von Kostenze, Herman von Hadelichon²⁶ vnd Cůnrat [. . .]netale(?)^b). Dc dis staete belibe, dc hie vor gescriben ist, so wrben wir, dc vnser herre, der ze bischoffe ze Kostenze ist erwelt, vnser o^ehain von Regensperch, Willeheln von Tockenburc, der truchsaze von Michelnse, die vor g[enemmt]en^b) ir insigel vnd ovch wir vnseriv zwai an disen brief ta^eten vnd hiengen. Dis geschach ze Kostenze, do von gotes geburte waren tusent zwaihundert subenzec vnd fu^enf iar an dem zinstage vor dem balme tage.

Source Fulltext: Chartularium Sangallense IV, Nr. 1949, S. 125-127.