Diethelmus miles dictus de Windeche¹ omnibus presencium inspectoribus noticiam subscriptorum. || Noverit universitas vestra, quod ego possessiones meas in Lucheswile² reverendis in Christo domino || . . abbati et conventui sancti Johannis³ ordinis beati^a) Benedicti vendidi et contradidi iusto || titulo vendicionis pro decem marcis argenti libere ac pacifice possidendas, renuncians pro me et omnibus heredibus meis omni actioni seu repeticioni necnon auxilio vel consilio iuris canonici vel civilis, ex quibus predictis domino . . abbati et conventui circa dictam vendicionem aliquod gravamen vel preiudicium posset generari, et hoc publice presenti scripto protestatis. Et quia ius proprietatis dictarum possessionum ad ecclesiam sancti Galli spectare dinoscitur, datis fideiussoribus viros discretos Albertum militem de Vrinchon⁴ et V^oI. nobilem de Hunwile⁵ videlicet fide corporali promisi, ut postquam de abbate ibidem provisum fuerit et ordinatum⁶, procurem ipsum contractum⁷ ad voluntatem et utilitatem sepedictorum . . abbatis et conventus propriis laboribus et expenssis, alioquin predicti fideiussores et obsides et ego recipiemus nos in obstagium Rapre.⁸, inde non recessuri, donec ipse contractus ut premissum est plenum sorciatur effectum, adicientes, ut si aliquem fideiussorum de hac vita decedere contigerit, infra duos menses equum^b) bonum alterum^c) constituam vel alter recipiat se in obstagium ut prius. Testes, qui huic contractui interfuerunt, sunt hii: Wer. miles de Vurndesberc^d)9, Růdeg. miles de Berneche¹⁰, V^oI. et Hanr. dicti Stvrin^e), Gotscalchum ministrum^f) de Rudeberc¹¹, Růd. marcscalchus de Monteforti¹², Arnoldus et alii quam plures. Et ne super premissis aliqua dubitacio valeat exoriri, presens instrumentum sigillis obsidum predictorum pariter et meo duxi roborandum. Datum et actum anno domini M°.CC.LXX.VI.

Source Fulltext: Chartularium Sangallense IV, Nr. 1980, S. 150-151.