Chonradus dei gratia abbas monasterii Fabariensis¹, ordinis sancti Benedicti Curiensis dyocesis, universis Christi fidelibus presentium || inspectoribus affectum caritatis. Presentibus profitemur, quod de consensu nostri conventus vineam quandam sitam || in campo Manidorf², quam . . .^a) dictus Hazzinch necnon Henr. dictus Nagelli nobis resignaverunt || et Henrico dicto de Rambach³ cum omni iurisdictione vendiderunt, nos, quicquid peractum est in venditione, resignatione aut emptione, ratum ac firmum habemus et per presentes roboramus, nichilominus antedicto Henrico et suis heredibus eandem vineam concedimus sub contractu harum conditionum, videlicet quod prefatus Henricus de Rambach et sui heredes annuatim ex ipsa vinea unum solidum Thuricensis monete⁴ domicilio sive fundo domus, ad quem fundum predicta vinea spectabat, sine omni exceptione conditionis aut facti expediant. Et si pretaxatum Henr. vel fratres suos magistrum Berthld., Ja., Anton., Petrvm seu V^oI⁵. absque liberis ex ipsis legitime procreatis decedere contingerit^b), ex tunc eadem vinea nobis et nostro monasterio libere et absolute remota omni ocasione^b) cuiuslibet conditionis vel facti vacabit. In horum itaque testimonium, ne in posterum aliqua controversia litigii a quoquam valeat suboriri, presens instrumentum sigillo nostro necnon sigillo nobilis domini Rv^odolfi de Rapraswilar⁶ roboramus et duplicari fecimus, unum sepefato Henr. et suis heredibus consignando, nobis aliud reservando. Acta sunt hec in oppido Rapraswilar anno domini M°.CC°.LXXVI. secundo idus maii, indict. IIII. presentibus domino E. de Rvhunberg⁷, magistro Ber., magistro V^oI. de Walde⁸, H. scolastico de Rapraswil(ar), H. marschalcho⁹, Joh. de Inderburg¹⁰, Hen. Mulibach, Rů. de Brunne et aliis quam pluribus.

Source Fulltext: Chartularium Sangallense IV, Nr. 1973, S. 147.