In nomine domini amen. Nos Rv^om dei gratia abbas¹ totusque conventus sancti Galli ordinis sancti Benedicti Constantiensis dyocesis || venerabilibus in Christo Walthero abbati et conventui monasterii de Rvti² ordinis Premonstratensis eiusdem dyocesis salutem et sinceram in || domino caritatem. Multis et magnis occurrimus incommodis, si ea beneficia, que locis divino mancipatis obsequio de bonis nobis a deo collatis impen||dimus, litterarum ac testium commendari facimus memorie, ne apud posteros nostros oblivionis vicio pereant et labantur. Hoc nimirum intuitu tenore presentium notum esse volumus universis, ad quos presens scriptum pervenerit, quod nos obtentu retributionis divine et ad instantiam dilecti in Christo Heinrici de Bernnegge³ et filiorum suorum videlicet Heinrici rectoris ecclesie in Adorf⁴ et Rv^edegeri militis, Rv^odolfi et Cv^onradi ecclesie nostre ministerialium predium ipsorum situm in monte, qui vulgariter dicitur Ahorn⁵, quod ipsis mere ac pure pertinebat vosque illud ab eis pro certa peccunie summa comparastis, de manibus eorum resignatum recipientes vobis et monasterio vestro liberaliter concedimus cum omnibus iuribus et pertinentiis suis perpetuo possidendum sub annui census prestatione videlicet fertonem cere, quem custodi monasterii nostri singulis annis assignare tenemini in altario sancti Galli. Ut autem hec concessio nostra robur debite firmitatis obtineat, presentem paginam vobis tradimus sigillorum nostrorum munimine roboratam. Acta sunt hec apud Wile⁶, anno domini M°.CC°.LXX°.VIIII. Testes sunt dominus de Stopheln⁷, dominus Rv^o. de Rosalch^a)8, dominus Eberhardus de Bichelnse⁹, dominus Rv^o. de Landenberch¹⁰ et filius suus, qui est rector ecclesie in Beroltswile¹¹, dominus V^oI. de Lo^ewenberch¹² et alii quam plures.

Source Fulltext: Chartularium Sangallense IV, Nr. 2041, S. 206-207.