Rudolfus^a) dei gratia episcopus Constantiensis¹ omnibus Christi fidelibus presentem paginam inspecturis salutem cum sincera in domino karitate. Res geste robur debitum apud posteros sortiuntur, si ipse || scripturarum et testium intersigno eorundem memorie, prout expedit, declarentur. Noverint igitur omnes et singuli tenorem presentium perlecturi, cum dilectus noster Cv^onradus de Sulzberch² || ecclesie nostre ministerialis possessiones suas in Zollinchoven³, videlicet duas schv^obv^oz, quas a nobis sive ecclesia nostra tenebat in feodum omaiale, honerandis in Christo . . abbati et convetui^b) monasterii de || Petri domo⁴ ordinis sancti Benedicti cum omnibus suis pertinentiis et iuribus tam infra septa quam extra, puta agris, pratis, pascuis, silvis, pomeriis, ortis, aqueductibus, viis, inviis et generaliter omnibus et singulis circumstantiis, quibuscumque censeantur nominibus, pro viginti marcis minus dimidia puri et legalis argenti iuste ac legaliter vendiderit, quod idem ecclesie nostre ministerialis venit ad nos petens humiliter ac devote, ut proprietatem earundem possessionum prefatis abbati et conventui nomine monasterii predicti contradere dignaremur. Nos itaque predictis possessionibus Zollinchoven ad manus nostras a prememorato Cv^onr. de Sulzberch nostro ministeriali omni verborum et gestuum sollempnitate, que ad hoc requiri solet, adhibita resignatis necnon recompensatione ipsarum nobis ab eo nomine ecclesie nostre cum quibusdam alliis^b) suis possessionibus, de quibus per nos loco priorum extitit infeodatus, sufficienter prius facta easdem peticionem prefatam admittendam non inmerito recensentes prescriptis abbati et conventui monasterii de Petri domo omnibus et singulis in evum^c) suis successoribus in proprium nomine ecclesie nostre duximus contradendas. Ipsique abbas et conventus contraditionem^d) huiusmodi alicuius beneficii lance rependere cupientes, nos omnesque et singulos ecclesie Constantiensis pro tempore episcopos in advocatos sepius dictarum possessionum de ipsis pro iure advocatie modium avene mensure Constantiensis annis singulis de cetero soluturi tam pro se quam pro omnibus suis successoribus perpetuo monasterii sui nomine receperunt. Et ut hec omnia et singula in sui nomine maneant perenniter inconvulsa^c), nos omni iuris communis aut privati, canonici vel civilis auxilio et exceptioni litterisque sive indulgentiis quibuslibet a sede apostolica vel aliunde impetratis aut impetrandis necnon occasioni cuivis iuris conswetudinis aut facti tam in genere quam in specie, pretextu cuius prefata nostra contradicio sine quovis ecclesie nostre preiudicio adeo rationabiliter facta a nobis vel ab aliquo nostrorum pro tempore successorum inpeti posset quomodolibet vel cassari, tam pro nobis quam pro eisdem nostris successoribus sine dolo et fraude qualibet renuntiantes, multociens dictis abbati et conventui monasterii de Petri domo presens instrumentum dedimus sigillorum nostri ecclesieque capituli nostri necnon dicti militis robore conmunitum. Acta sunt hec in choro Constantiensi presentibus Burchardo preposito Episcopalicelle⁵, Cv^onr. de Vilingin⁶, Hainrico dicto de Wigoltingin⁷, magistro Hainrico officiali⁸, Rv^odolfo de Hewon⁹ canonicis ecclesie nostre, Manegoldo de Hewon¹⁰ rectore ecclesie in Stecboron¹¹, magistro Walthero de Schafusa¹², Peregrino de Scho^enistain¹³, V^olr. dicto Vbili et V^olr. ministro de Petri domo aliisque quam pluribus fide dignis. Anno domini M°.CC°.LXX°.VIIII°. XI. kl. mar. indict. VIII. Nos abbas et conventus monasterii de Petri domo ordinis sancti Benedicti profitemur et recognoscimus per presentes, quod nos reverendum in Christo patrem et dominum nostrum Rv^odol. dei gratia episcopum Constantiensem omnesque et singulos perpetuo successores suos in advocatos supradictarum possessionum Zollinchoven nobis ab eodem domino nostro episcopo in proprium contraditarum recepimus, de eisdem possessionibus pro iure advocatie modium avene mensure Constantiensis, quemadmodum in nos sponte recepimus, annis singulis de cetera soluturi^e), unde in testimonium huius nostrum sigillum, quo in conmuni utimur, presentibus duximus appendendum.

Source Fulltext: Chartularium Sangallense IV, Nr. 2026, S. 190-191.