Universis Christi fidelibus presentem cedulam inspecturis Hainricus prepositus ecclesie Constantiensis maioris¹ vicem gerens venerabilis patris et domini Rv^od. dei gratia eiusdem ecclesie Constantiensis || episcopi salutem in domino. Res geste robur firmitatis debitum sorciuntur, quando ipse scripturarum et testium intersigno futurorum memorie eclarantur. Noverint igitur omnes ac singuli tenorem || presencium perlecturi, cum discretus vir Bertholdus miles de Dîescenhouen dictus vs der Ho^eri ecclesie Constantiensis ministerialis possessiones suas videlicet curiam sitam in villa Wiler et schůl||pozam dictam Spur ins et schůpozam dictam Engelhartz in eadem villa sitas, quas ipse ab ecclesia Constantiensi tenebat in feodum omagiale, cum omnibus suis iuribus et pertinenciis videlicet silvis, pratis, ortis, pomeriis, pascuis, agris, cultis et incultis, vineis et aliis universis tam infra septa quam extra dilectis in Christo . . priorisse et conventui sororum extra muros civitatis sancti Galli apud ecclesiam sancti Magni residentibus regulam sancti Augustini professis pro quadraginta et tribus marcis puri et legalis argenti ponderis Constantiensis iuste et legaliter vendidisset, quod idem miles veniens ad nos premissa ad manus nostras nomine iamdicte ecclesie Constantiensis necnon venerabilis patris et domini R. episcopi, cuius vices gerimus, predictarum possessionum resignacione petivit humiliter ac devote, ut nos easdem pro annuo censu prememoratis . . priorisse et conventui concedere dignaremur. Nos itaque perpendentes, quod miles prefatus liberis suis de pecunia, quam ex vendicione predictarum possessionum consecutus fuerat, ut ad collegium alicuius religionis commodius reciperentur, intenderet providere necnon quod ex adepcione ipsarum possessionum apud sepe recitatas sorores posset divini nominis cultus inposterum uberius augmentari, preces prefatas hoc ipso racionabilius duximus admittendas, multociens dictis sororibus possessiones predistinctas cum omnibus suis iuribus et pertinenciis nomine ecclesie Constantiensis et prefati domini nostri episcopi de communi consensu tocius capituli Constantiensis pro annuo censu videlicet dimidia libra cere in festo sancti Martini decetero singulis annis ad cameram domini nostri episcopi antedicti persolvendo concedentes. Indulgemus insuper sepedictis . . priorisse et conventui, ut prescriptas possessiones in personam aliam vel alias in toto vel in parte per vendicionem seu alium quemcumque modum alienandi cum eo iure, quo prenotatus Ber. miles easdem possessiones ab ecclesia Constantiensi possidebat, libere transferre valeant vel etiam, quod sepefate possessiones, si ipsas inposterum in alio loco corporalem residenciam habere aut se alterius monasterii seu conventus collegio unire contigerit, secum cum tocius sui iuris universitate transeant cum eisdem, renunciantes omni actioni, defensioni, excepcioni necnon occasioni cuilibet iuris communis vel privati, canonici vel civilis, litteris seu indulgenciis quibuslibet impetratis vel impetrandis et generaliter omnibus eis tam in genere quam in specie, pretextu quorum huiusmodi concessio a nobis facta posset inposterum aliqualiter irritari. In cuius testimonium et robur perpetuum nos . . priorisse et conventui sepissime dictis presens instrumentum dedimus sigillorum capituli ecclesie Constantiensis et nostri robore communitum. Nos capitulum ecclesie Constantiensis profitemur et recognoscimus per presentes, nos in concessionem supradictis . . priorisse et conventui a reverendo in Christo Hainrico preposito ecclesie nostre nomine eiusdem et domini nostri episcopi factam, prout premissum est, consensisse, unde et presentibus nostrum sigillum duximus appendendum. Acta sunt hec in area fratrum Predicatorum Constantiensium, presentibus viris discretis Cv^onr. de Blůmenberch² canonico ecclesie Constantiensis, Walt. de Kilchain et magistro Bertoldo de Luzelestetten³ canonicis sancti Stephani, Cv^onr. priore, Hug. lectore, Hermanno de Scafusa fratribus ordinis Predicatorum, Volmaro rectore ecclesie in Nuvron⁴, Walthero rectore ecclesie in Baden⁵, Eber. milite de Henkhart, Walt. dicto Jo^eheler⁶, Hainrico de Buselingen⁷ et aliis quampluribus fidedignis, anno domini M°.CC°. LXXIX°. non. aprilis, indict. VII^a.

Source Fulltext: Chartularium Sangallense IV, Nr. 2029, S. 194-195.