In gotis namen amen. Alle die disen brief sehin alde horen lesen, die son daz wizzen, daz wir von gotis gnaden || abbit Heinrich von Vischinvn¹ habin Bvrchartes seligen toher^a), vron Hedwigvn, Hans wirtennvn hern Atzin von || Wil², gigebin halbe an daz gotteshvz zi sante Johanne in Tvrtal³ mit vnsir brv^oder dez convenz wizzende vnde^b) || willen, vnde haben vns der selbvn vro^vwen vnde der gebvrt, so von ir kvmt, halbteil enzigen^c) eigenlich mit allem rehte, halbteil belibet o^vch vnserm goteshvse ze Vischinvn. Dez sint gezivge her Heinrich der schvltheiz von Wil, her Heinrich der Hvntzinchover⁴, Eber. von Lo^vmeiz⁵, Bur. von Heitno^vwa⁶, Růd. von Tvrbatun⁷, V^oI. der Trv^onger, her Bertolt der vogit von Tannegge⁸, Heinrich vnde Rv^odolf sine svne, Otto a der Wise vnde Heinrich sin brv^oder vnde Bertschi^d) a der Wise vnde ander ersam livte. Daz diz war si vnde stête belibe, dar vmbe henken wir vnsir insigel vnde vnsirs capittels an disen gegenwurtigen brief. Diz geschah nah vnsirs herren gebvrte lesu Christi tvsent iar, zweihvndert iar, sibintzich iar, in dem nivnden iare, an dem nehisten svnnentage vor sante Iacobis tvlt dez zwelfpotten, in Bvrchartes seligen hvse an der Wise.

Source Fulltext: Chartularium Sangallense IV, Nr. 2035, S. 201.