In^a) nomine domini nostri Iesu Christi amen. Universis et singulis bone voluntatis hominibus Conradus de Krenkingen¹ rei geste noticiam infrascripte. Ne hominum labilis memoria oblivionis caligine obfuscetur, convenit ea, que aguntur sub tempore, || scripturarum testimoniis perhennari. Omnibus igitur hominibus tam presentibus quam futuris notum facio per presentes, quod ego curiam in villa No^ekerswiler² sitam, que vulgariter maierhof nuncupatur, michi titulo feodi a monasterio sancti Galli seu || a reverendo domino . . abbate ipsius monasterii pertinentem de consensu et voluntate dominorum . . abbatis et conventus eiusdem monasterii, qui prius recepta a me resignatione dicti feodi sub omni ea sollempnitate verborum et gestuum, que solet || in talibus adhiberi, proprietatem ipsius curie cesserunt, sub modo inferius annotato cum omni iure, hominibus, districtu, iurisdictione, iure patronatus, aquis, piscariis, aqueductibus, silvis, nemoribus, pascuis, pratis, viis, inviis, campis, cultis, incultis, molendinis, v^ebistationibus^b), omnibus aliis iuribus ac pertinenciis infra scepta ville supradicte vel extra, quocumque nomine seu titulo censeantur, nunc scitis seu etiam imposterum inquirendis, honorabilibus in Christo Hainrico abbati et conventui monasterii sancti Blasii in Nigra Silua³ seu ipsorum monasterio pro summa centum quadraginta et quinque marcharum argenti ponderis ville Scaffusensis⁴, quam summam pecunie recepi, eam michi fore solutam integraliter recognoscens, vendidi, tradidi et assignavi cum omnibus iuribus ac pertinenciis, quibus ego progenitoresque mei usque in hec tempora possedimus, imperpetuum emptionis titulo possidendam. Sane in memorate venditionis contractu feoda seu bona feodalia vulgariter manlehen dicta, que ipsi curie annexa fuerunt, a quibuscumque possideantur, sunt excepta, et ne ad emptorem transeant, est condictum. Excepi insuper et michi specialiter retinui homines dumtaxat utriusque sexus⁵, qui contractus tempore extra villam No^ekerswiler prenotatam fuerunt matrimonialiter coniugati. Porro cum proprietas curie sepius recitate pertinuerit monasterio sancti Galli, ut sepefatis . . abbati et conventui monasterii sancti Blasii uberius cautum exstet, reverendus dominus abbas et conventus sepedicti monasterii sancti Galli sollempni tractatu prehabito et communi recepta a me recompensatione subscripta et feodi resignatione premissa, ut superius est expressum, proprietatem curie sepesepius recitate cum omnibus suis pertinentiis et appendiciis, iure patronatus ac aliis iuribus universis monasterio sancti Blasii antedicto tradiderunt, donaverunt, assignarunt et in ipsum transtulerunt proprietatis titulo pleno iure perpetuo possidendam necnon utendam pacifice ac fruendam. Verum in recompensationem proprietatis curie superius nominate predicto modo tradite et donate possessiones meas in Lushaim⁶ et in Bachtal⁷ ad estimationem sex marcharum et plus solventes in redditibus annuatim, que michi et meis progenitoribus proprietatis titulo pertinebant, seu proprietatem possessionum earumdem monasterio sancti Galli dedi, tradidi et assignavi proprietatis titulo perpetuo retinendas et ipsas ab ipso monasterio sancti Galli in feodum recepi, me pro eisdem decetero vassallum eiusdem monasterii recognoscens, promittens pro me heredibusque meis, quod in nullo contra predictum factum verbo vel facto veniam per me vel interpositam personam, ipso facto inconvulso manente, ad quod me heredesque meos necnon ad cavendum de evictione Obligo bona fide. Renuncio insuper pro me et heredibus meis omni iuris auxilio canonici et civilis, consuetudini et statuto, exceptioni deceptionis ultra medum^c) iusti precii, doli, quod metus causa, non numerate pecunie, omnibus litteris impetratis seu impetrandis et breviter omnibus, per que dictus contractus posset in aliquo vacillari. In premissorum autem omnium testimonium presentem litteram reverendi patris domini Rud. dei gratia episcopi Constantiensis⁸, dominorum Rv^omonis abbatis⁹ et conventus monasterii sancti Galli necnon mei dedi sigillorum munimine roboratam. Nos vero episcopus prelibatus consensum predictis omnibus adhibentes in ipsorum testimonium sigillum appendi fecimus nostrum. Nos vero Rv^omo abbas et conventus monasterii sancti Galli superius nominati sepedictos contractus de consensu et voluntate nostra unanimi et diligenti tractatu premisso celebratos, initos et perfectos, necnon nobis possessiones superius nominatas seu ipsarum proprietatem per sepedictum Conradum de Krenkingen in recompensationem curie prelibate, quam in monasterium sancti Blasii transtulimus, esse factam, quemadmodum est premissum, presentibus profitemur, renuntiantes pro nobis et nostro monasterio omni actioni et exceptioni in integrum restitutionis, iure minoris et omnibus, quibus superius ex parte predicti Conradi de Krenkingen renuntiatum est et per que ipsi contractus calumpniam possent recipere in futurum. In premissorum autem omnium evidens testimonium sigilla nostra huic instrumento duximus appendenda. Acta sunt hec apud sanctum Gallum, anno domini millesimo ducentesimo septuagesimo nono, XIIII°. kl. iulii, indictione septima, presentibus honorandis viris Berhtoldo preposito¹⁰, Hainrico portanario¹¹, Friderico camerario¹², Hainrico et Hugone fratribus de Dv^errehaim¹³, Walthero de Ramestain¹⁴, Hilteboldo de Werstain¹⁵, Marqwardo de Veringen¹⁶, V^olrico de Drupurch¹⁷ et Hainrico de Luphon¹⁸ monachis monasterii sancti Galli, nobilibus viris dominis Conrado de Sto^epheln canonico Argentinensi¹⁹, Diethelmo de Ramestain²⁰ rectore ecclesie in Vlma²¹, magistro Hainrico de Petirskiliche²², magistro Alberto rectore ecclesie in Nallingen²³, Hainrico de Bvnishouen canonico Episcopaliscelle²⁴, Walthero Tihtelario, magistro Johanne scolastico²⁵ et me magistro Berhtoldo rectore ecclesie in Wambrehtz²⁶ clericis, nobili viro domino V^olrico de Guttingen²⁷, Růd. ministro oppidi sancti Galli dicto Fuller, V^olrico Lestino, Johanne et Růd. Coquine Magistris²⁸, Johanne et Rud. fratribus Dispensatoribus²⁹ civibus sancti Galli laycis et aliis quampluribus fidedignis, in domino feliciter amen.

Source Fulltext: Chartularium Sangallense IV, Nr. 2033, S. 197-199.