Wir Růdolf von gotz genaden ze allen ziten ain merer des hailgen riches vnser gnad vnd alles gůt allen Cristan luten, die disen brief an sehent, tůnd wir ze wissen, dz wir luterlich von demu^etiger festi wegen, so der fest man Hainrich Walther von Ramswag¹ vnser getruwer vnd geminter vns in vil Sachen erzo^egt vnd bewa^ert hât festeklich, vnd besunder in dem strit, den wir hatton mit dem wirdigen hievor kung von Beham², da er vns vf hůb vß dem bacht^a), da wir nider geschlagen lâgent, da mit er vns des lebens gehalf³, vnd den val, der vns mit geding vf was gesetzt, den want er vns. Dz haben wir milteklich an gesehen vnd gebent im darumb funf hundert mark luters Silbers vnd verhaissent im die mit vnsern kungklichen gnaden, vnd won wir im nu ze mâl das vorgenant silber vsser vnser kamer nit mochtent vsrichten, so setzen wir dem selben Hainr. Walther in ze pfand den hof^b) ze Kriesseren⁴ mit luten rechten vnd zůgehorden vnd die frigen, die da geho^erend in die vogtyg ze Ga^egilmar⁵, ze Werzenberg⁶, ze Baldenwile⁷, ze Vnegg⁸, ze Swainberg⁹ vnd ze Vtzwil¹⁰, vnd ander fryen, die darzů geho^erent vnd in die gericht, die vnserm rich zů geho^erent, vmb zwaihundert vnd zwaintzig mark des obgenanten silbers ze rechtem pfand, da ie zwelf mark fur ain mark geltz gerechnet sint. Vnd vmb die vbrigen druhundert mark zwaintzig mark minder verhaissen wir im vszerichten. Vnd vber das gelt vnd das silber hât er mit vnserm willen vnd gunst ze gemainder genomen Burkart Dietrich vnd Cůnrat von Ramswâg gebrůder¹¹, die gemaind wir inen och mit vnsren kungklichen genâden besta^etent, mit der bedingd, wz si da von niessent, es si von dem hof ald von den luten oder wie es sich gefu^egt, da sol in nut vmb ab gân an der geltschuld vnd an den nutzen, vntz das si der vorgenanten zwaihundert vnd zwaintzig marken silbers von vns bezalt vnd gewert sint. Des ze vrkund geben wir in disen gegenwurtigen brief besigelt mit vnser maiestât insigel ze ainer fester sicherhait. Darumb sint zugen die wirdigen vnser die lieben fursten der ertzbyschoff von Saltzburg¹², H. Basiliensis¹³, Jo. Chymensis¹⁴ et Secconiensis¹⁵ byscho^eff, Lupolt pfallentzgrâf zům Rin hertzog ze Baw(ari)e^c)16, Joh. vnd Alb. bru^eder hertzog ze Sachsen¹⁷, der jung markgrâf von Brandenburg, AI. vnd Hartman grafen von Habspurg vnd von Kyburg¹⁸ vnd der burggrâf von Nu^erenberg¹⁹, H. graf von Furstenberg²⁰, H. margrâf von Haperg²¹ vnd ander vil. Geben ze Wien, do man zalt von Cristus geburt zwelfhundert vnd nun vnd sibentzig jar vnd in dem sechßten jar vnsers riches.

Source Fulltext: Chartularium Sangallense IV, Nr. 2037, S. 203-204.