Ir vil lieber herre Albrecht, der von gottes gnaden apt ze O^vwe¹ ist, enbutte ich Diethelm vnd Fridrich die jungen gra^vuen von Togkemburg vnnsern willigen diennst vnd alles gůtt mit truwen. Vil lieber herre, wir kunden vch bed, dz wir durch dz hail vnnserer selen dz manlehen, dz Hartnit von Salwenstain ze Ermůttingen von vnns hatte, gegeben hannd bed dem closter ze Maggenowe, dz in von Hartnide ward, vnnd sennden uch dz selb manlehen vff an uwer hannd, won wir haind es von^a), vnd bittent uch bed durch iemer vnnser diennstz, dz ir dz selbe manlehen von vnns vf nemint an disem brieffe, den wir bed besigelt haind mit vnnsernn insigelnn, vnd ir es dem selben closter ze Maggeno^vwe gebent.

Source Fulltext: Chartularium Sangallense IV, Nr. 2047, S. 213.