Omnibus Christi fidelibus hanc paginam inspecturis Johannes divina permissione abbas monasterii sancti Johannis in Turtal¹ ordinis sancti Benedicti diocesis Constantiensis, Arnoldus dictus de Hedwanc² sacerdos necnon Albertus de Hed||wanc monachi monasterii prelibati habentes speciale mandatum ab Alberto prespitero et custode et Burkardo sacerdote officiante cappellam in Nesselowe³ ad tractandum et agendum infrascripta subscriptorum noticiam cum salute. Ad ca||lumpnias litium in posterum evidandas^a) expedit ea que geruntur scripturarum testimoniis perhennari. Cum ex obligationibus et contractibus diversis pro nostris nostrique monasterii necessitatibus initis obligati et gravati simus || multorum oneribus debitorum nec aliunde adeo comode et utiliter nobis consulere valeamus sicut per venditionem possessionum, quas habemus et hueusque habuimus aput villam Hedwanc, eisdemque possessionibus iamdudum expositis venditioni emptor seu emptores non apparuerint, qui ad easdem possessiones emendas^b) competenti vel vero oblato precio aspirarent, exceptis honorabilibus in Christo Hainr. divina permissione abbate et conventu monasterii de Petershusen⁴ ordinis sancti Benedicti dyocesis prenotate, traetatu sollempni inter nos et fratres de conventu nostro ac omnes et singulos quorum intererat prehabito, curiam sitam in villa Hedwanc, in qua resident pro colonis Cv^onradus dictus Gv^ote Hainrich et . . filius suus, necnon molendinum situm in dicta villa sub curia eadem omneque ius, quocumque nomine seu appellatione nuncupetur, nobis nostroque monasterio hucusque in dicta villa Hedwanc seu districtu eiusdem ville competens cum pertinentiis suis et annexis universis pratis, agris, silvis, curtibus, areis, pomeriis, nemoribus, pascuis, viis, inviis, cultis et incultis, aqueductibus, itineribus, iurisdictionibus ac omni alio iure sine diminutione prefatis abbati et conventui monasterii de Petershusen ipsorumque monasterio pro certa summa peccunie videlicet triginta duabus et dimidia marcis argenti boni et examinati ponderis Constantiensis, de qua summa nobis proclamamus et profitemur integraliter satisfactum ipsamque summam datam in exonerationem dictorum debitorum ac versam in nostram nostrique monasterii utilitatem, vendimus in ipsosque transferimus verborum et gestuum nichilominus adhibita sollempnitate debita, que in huiusmodi contractibus solita est adhiberi, ac confitemur ex causa predicta presentibus transtulisse, renunciantes pro nobis monasterioque nostro beneficio restitutionis in integrum, litteris a sede apostolica vel aliunde impetratis seu impetrandis, exceptioni non adhibite sollempnitatis, deceptionis ultra dimidiam iusti precii, peccunie non solute, doli mali omnibusque aliis remediis iuris canonici civilis vel consuetudinarii, quibus mediantibus predicta possent in toto vel in parte aliquatenus retractari. In quorum omnium et singulorum testimonium nos Johannes abbas, Arnoldus sacerdos, Albertus dicti de Hedwanc predicti, item Albertus sacerdos custos ac Bvrkardus prespiter monachi monasterii sancti Johannis predicti pro approbatione et ratificatione omnium in hac pagina contentorum memoratis abbati et conventui de Petershusen pro nobis conventu seu monasterio nostro presentem litteram sigillorum reverendi in Christo patris ac domini nostri R. dei gratia Constantiensis episcopi⁵ et capituli eiusdem ecclesie ac nostrorum videlicet mei abbatis ac conventus monasterii sancti Johannis in Turtal predicti damus munimine roboratam. Nos vero R. dei gratia Constantiensis episcopus auctoritatem et consensum iamdicte venditioni et omnibus aliis premissis ex causis evidentibus et necessariis impertiendo⁶, nosque R. decanus⁷ et capitulum ecclesie Constantiensis sigilla nostra divisim ad robur incommutabile premissorum et ad rogatum abbatis et conventus monasterii sancti Johannis prenotati uximus appendenda. Acta sunt hec in monasterio Petershusen sepedicto presentibus infrascriptis et ad hoc rogatis Bertoldo priore, Cv^onr. custode, V^olrico dicto de Casteln⁸, Diethelmo prespitero similiter dicto de Casteln⁹, Hugone dicto Hauener, V^olrico dicto Cv^on, Oswaldo, Bvrkardo de Bermv^etingen¹⁰, V^olrico de Wisendangen¹¹, Burkardo de Wolfurt¹², V^olrico de Mitelberg¹³ monachis icti monasterii de Petershusen, Gerungo rectore ecclesie in Ephendorf¹⁴, magistro Ebernando clerico de. Constantia, Hugone dicto Stro^vli, Hainr. dicto Goldast, Eberhardo dicto Blaicher, Jacobo dicto Sho^ennenstain, Nycolao dicto Suarze civibus de Constantia, V^olrico dicto Bvman, Walthero dicto Vorster et Bertoldo dicto de Sho^ennenstain¹⁵ aliisque quampluribus fidedignis, anno dominice incarnationis M°.CC°. octuagesimo nono, septimo idus marcii, inditione secunda.

Source Fulltext: Chartularium Sangallense IV, Nr. 2209, S. 333-334.