Omnibus Christi fidelibus hanc paginam inspecturis Johannes divina permissione abbas monasterii sancti Johannis in Tvrtal ordinis sancti Benedicti Constantiensis dyocesis, || Arnoldus sacerdos dictus de Hedwanc et Albertus similiter dictus de Hedwanc monachi monasterii predicti habentes mandatum speciale et plenum ad perficiendum || contractum venditionis de possessionibus sitis in villa Hedwanc et districtu eiusdem ac iuribus aliis quibuscumque, que dictum monasterium ibidem habebat, ac | ad alia infra scripta pro Alberto custode et Burkardo sacerdote officiante cappellam in Nesselowe et conventu monasterii prelibati subscriporum^a) noticiam cum salute. Cum nos curiam sitam in villa Hedwanc, in qua resident pro colonis Cv^onradus dictus der Gv^ote Hainrich et filius suus ac molendinum situm in dicta villa et sub eadem curia cum omnibus iuribus, nemoribus, aqueductibus, curtibus, pomeriis, viis inviis, cultis et incultis aliisque pertinentiis quibuscumque, que in dicta villa Hedwanc et districtu eiusdem ville monasterium nostrum hucusque habebat, vendiderimus iusto venditionis titulo et translatione facta dilectis in Christo . . divina permissione . . abbati et conventui monasterii de Petershusen ordinis sancti Benedicti dyocesis prenotate sub obligatione evictionis seu warandie per nos facta receptis ab eisdem triginta duabus marcis et dimidia argenti boni ponderis Constantiensis, condictum et conventum extitit inter nos ex una prefatosque dominum . . abbatem et conventum monasterii de Petershusen ex parte altera, ut si ultra summam quatuor librarum et decem solidorum monete Constantiensis redditus ampliores usque ad summam quinque solidorum examinatione et discussione super hoc habita per prefatum dominum . . abbatem monasterii de Petershusen ab inhabitatoribus dicte ville Hedwanc, cuius etiam domini . . abbatis de Petershusen relationi et dicto stabitur in hac parte, inventi fuerint et declarati infra annum a tempore venditionis celebrate, precium pro dictis quinque solidis, si sie inquisitione facta inventi fuerint, pro rata et quantitate habito calculo et estimatione, quantum pro aliis quinque solidis solutum fuerit, nobis superaddetur de monasterio Petershusen prelibato. Hoc etiam subiuncto, ut si a festo pasce proxime futuro usque ad spacium seu curriculum duorum annorum immediate sequentium aream seu curtim sitam in introitu dicte ville Hedwanc, que habet domum superhedificatam, quam inhabitat . . dictus Vriese cum pomerio sibi curti contiguo et appellatur zen Lindon, super quibus etiam ipsi monasterio de Petershusen actiones iam cessimus, procuraverimus absolvi a detentoribus quibuscumque, ita ut monasterium de Petershusen prefate curtis et pomerii possessione gaudere valeat libere et quiete, superaddendum erit nobis similiter precium aliorum quinque solidorum, quemadmodum in proximo casu superius est expressum. In quorum omnium et singulorum premissorum evidens testimonium presentem litteram nos Johannes abbas sancti Johannis sigillum nostrum, quo et nos Arnoldus sacerdos dictus de Hedwanc et Albertus de Hedwanc, item Albertus custos et Burkardus prespiter officians cappellam in Nesselowe monachi monasterii prelibati pro nobis nostroque conventu contenti sumus et utimur in hac parte, pro approbatione et ratificatione omnium in hac pagina contentorum duximus appendendum una cum appensione sigilli divina permissione abbatis dicti monasterii de Petershusen. Nos vero eadem permissione abbas monasterii de Petershusen sigillum nostrum pro nobis et conventu nostro similiter presentibus appendimus in evidentiam omnium premissorum. Dat. Constantie, anno domini M°.CC°. LXXXVIIII°. septimo idus marcii, indit. secunda.

Source Fulltext: Chartularium Sangallense IV, Nr. 2210, S. 334-335.