Universis hanc litteram inspecturis Dietricus miles de Altstetten senior et Waltherus filius ipsius dicti villici¹ noticiam rei geste. Noverint universi tam || posteri quam presentes, quod cum nos possessiones sitas inter Mvntigel² et Blattvn³ dictas vulgariter daz gv^ot zem Raine⁴ universas, quas ego Dietricus a || reverendo domino dei gratia . . abbate sancti Galli iure tenui feodali, emptioni decrevissemus exponendas, et cum inter alios ad emptionem procedere volentes venera||biles in Christo dominus . . abbas et conventus monasterii de Salem⁵ utilius nobis et melius pretium obtulissent, easdem possessiones cum omni iure suo et attinentiis universis, agris videlicet cultis et incultis, pratis, pascuis, silvis, virgultis, viis, inviis et omnibus aliis tacitis et expressis antedictis possessionibus intus et extra pertinentibus de consensu pleno et expresso V^odelhilt⁶ uxoris mee videlicet Dietrici prefati et aliorum omnium, quorum intererat, predictis de Salem receptis ab eis iam ad manum decem marcis et dimidia puri et legalis argenti ponderis Constanciensis vendidimus, tradidimus et donavimus ab ipsis ipsorumque monasterio sine cuiusvis obice contradictionis inperpetuum libere possidendas, hac conditione adiecta, quod si nos ius proprietatis possessionum prefatarum a domino . . abbate predicto sancti Galli vel successore suo, qui tunc pro tempore prefuerit, de consensu sui . . capituli a festo sancti Galli proximo venturo infra biennium eisdem de Salem et ipsorum monasterio conquisierimus bona fide, ipsi extunc nobis tres marcas et dimidiam teneantur integraliter assignare, sin autem nos ius proprietatis ipsarum possessionum, ut dictum est, de manu domini sepedicti et sui capituli conquirere non valuerimus, iidem de Salem a solutione trium marcarum et dimidie libere absolvantur et ius proprietatis prenominatum sibi conquirant, prout ipsis visum fuerit expedire. Profitemur insuper presentium per tenorem, nos pecuniam prenotatam decem marcas videlicet et dimidiam recepisse et in usus proprios convertisse, et quod nos possessiones sepedictas ad cavendum indempnitati eorundem de Salem Cv^onr. dicto Goldast, Cv^onr. dicto Tottenaicher, Ber. dicto Schallenberg et Hainr. dicto Vederli civibus Constantiensibus nomine dictorum de Salem concessimus titulo feodali libere possidendas, obligantes nos fide prestita nomine iuramenti ad faciendum omnia, que ad ratificationem predicti contractus sepefatis de Salem visa fuerint expedire, videlicet ad resignandum, ad prestandum warandiam et ad faciendum generaliter et specialiter omnia, que ipsis placuerint, ubicumque, quocienscumque, coram^a) quocumque iudice fuerimus requisiti, adhibitis in premissis omnibus et singulis verborum ac gestuum sollempnitatibus debitis et consuetis. Renuntiamus igitur circa omnia premissa et quodlibet ex eisdem^b) omni actioni, impeticioni, defensioni non adhibite sollempnitatis, beneficio restitutionis in integrum, omni consuetudini tam loci quam patrie et omnibus aliis tam in genere quam in specie, per que predictus contractus in posterum posset^c) quovis ingenio violari, pro nobis nostrisque heredibus universis. In huius itaque rei evidentiam presens instrumentum sepedictis . . abbati et conventui de Salem nostrorum sigillorum munimine porreximus communitum. Actum aput Constantiam anno domini M°.CC°.LXXX°IX°. XVII°. kalen. iulii, presentibus hiis testibus videlicet nobili domino V^olr. de Guttingen⁷, Hugone dicto in der Bvnde, Rv^od. dicto Hopper, . . dicto Schalritter, fratre H. de Isenina⁸ cellerario maiore et fratre Eber. dicto de Stekboron⁹ monachis in Salem. Consumatum vero aput Rinegge¹⁰ eodem anno XII. kaln. iulii, subnotatis testibus presentibus et rogatis videlicet domino V^olr. de Gvttingen predicto, hon(orabili) viro sacerdote dicto de Bol, viris strennuis Cv^onr. seniore, Cv^onr. filio suo dictis de Grimmenstain¹¹, Bur.^d) H. advocatis^e) dictis de Wartense¹² germanis militibus, Cv^onr. dicto Alte, Ber. dicto Slo^ezer, Wern. civibus in Rinegge aliisque pluribus fidedignis. Ego V^odelhilt prefata omnia et singula premissa sub sigillis . . mariti mei et filii prefatorum profiteor esse vera, renuntians omni iuri, quod mihi in possessionibus sepedictis quacumque ex causa vel quocumque modo competebat vel competere videbatur.

Source Fulltext: Chartularium Sangallense IV, Nr. 2215, S. 340-341.