Universis Christi fidelibus, ad quos presentes pervenerint, Fridricus comes de Toggenburg¹ subscriptorum noticiam cum salute. Equitatis vigor postulat et ordo suggerit rationis, quod eum || in suis membris specialiter honoremus, qui nostris non exigentibus meritis multiplicibus bonitatis sue donis inmeritos nos beavit, ac proinde tenore presentium universitatis vestre noti||cie declaramus, quod ad retribuendum domino pro omnibus, que retribuit nobis, ne nota ingratitudinis maculemur, in remedium anime nostre et nostrorum progenitorum ac nostre salutis augmentum || curiam nostram sitam in villa Tvnbrunne² dictam kelnhof ad nos proprietatis titulo pertinentem reddentem annuorum reddituum novem modios tritici, tria malt(er) avene, unum modium fabarum mensure de Wile³, viginti duos solidos denariorum Constanciensium, ovem valentem tres solidos et sex denarios dicte monete, quatuor pullos et sexaginta ova, cum iure patronatus ecclesie ibidem site et decimis ac dote, cuius bona et redditus inferius specificabuntur, cum advocatia reddente singulis annis unam libram denariorum monete predicte et hominibus ad eandem ecclesiam pertinentibus, cum pratis, pascuis, aquis aquarumve deductibus^a), viis et inviis, cultis et incultis ac universis iuribus et pertinenciis ad dictam curiam, ecclesiam seu dotem ecclesie predicte pertinentibus donavimus et titulo donationis transtulimus de consensu et voluntate venerabilis patris et domini nostri R. dei gratia Constanciensis episcopi⁴ in viros honor(abiles) et religiosos . . abbatem et conventum monasterii in Rvti⁵ ordinis Premonstratensis Constanciensis dyocesis pure et simpliciter propter deum, renunciantes pro nobis et nostris successoribus universis omni actioni, exceptioni, restitutioni in integrum, litteris a sede apostolica seu aliunde impetratis aut decetero impetrandis omnique auxilio iuris canonici et civilis, per que vel per quod predicta donatio posset inposterum retractari aut aliquatenus irritari. Predia autem ad dotem pertinentia sunt hec: In Tvnbrvnnen predium, quod colunt Heinr. et Wal. dicti Gvsen, reddens singulis annis octo modios et duo quartalia tritici et duo malter avene, unum porcum valentem decem solidos et quatuor pullos et quinquaginta ova. Item predium in Bramshoven⁶ reddens sex quartalia tritici. Item predium in Trv^ongen⁷, quod colunt Bertol. et Cv^onr. dicti Strazlvte et relicta . . dicta Mechlerin et filii sui, reddens singulis annis tredecim modios tritici et duo malter avene, duos porcos, quorum unus valere debet octo solidos et alter septem, quatuor pullos et quinquaginta ova. Item scv^oposa iuxta castrum Wile³, quam colit Cv^onr. minister de Witenwile⁸, reddens quatuor modios tritici et quinque solidos denariorum. Testes huius rei sunt Rv^odolfus sacerdos incuratus ecclesie sancti Petri Thuricensis⁹, Rv^odgerus Manezze¹⁰, Heinr. de Kloton¹¹, V^oI. de Scho^enenwert¹², Cv^on. de Tv^eblenstein¹³, C. de Steinmvr¹⁴ milites, V^oI. dictus Sno^ede¹⁵ et V^oI. de Bvssenanch¹⁶ et plures alii fidedigni. In premissorum testimonium venerabilis patris ac domini R. dei gratia Constanciensis episcopi prenotati et nostro sigillis presens scriptum fecimus sigillari. Nos R. dei gratia Constanciensis episcopus in premissorum evidentiam ad petitionem comitis prenotati nostro sigillo presentem cedulam fecimus sigillari. Datum et actum Thuregi anno domini M°.CC°.LXXX°.IX°. kal. maii, indict. secunda.

Source Fulltext: Chartularium Sangallense IV, Nr. 2212, S. 337-338.